ഒമാനില് കഴിഞ്ഞ 24 മണിക്കൂറിനിടെ കൊവിഡ് വൈറസ് ബാധ സ്ഥിരീകരിച്ചത് 252 പേര്ക്ക്; ചികിത്സയിലായിരുന്ന 43 പേര് കൂടി രോഗമുക്തരായി
ഒമാനില് കഴിഞ്ഞ 24 മണിക്കൂറിനിടെ 252 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി റിപ്പോർട്ട്. രാജ്യത്ത് കൊവിഡ് ബാധിച്ച് ചികിത്സയിലായിരുന്ന 43 പേര് കൂടി രോഗമുക്തരാകുകയും ചെയ്തു. കൊവിഡ് ബാധിച്ച് പുതിയതായി മരണങ്ങളൊന്നും ഇതുവരെ റിപ്പോര്ട്ട് ചെയ്തിട്ടില്ല.
അതോടൊപ്പം തന്നെ രാജ്യത്ത് ഇതുവരെ 3,06,492 പേര്ക്ക് കൊവിഡ് സ്ഥിരീകരിച്ചിരിക്കുകയാണ്. ഇവരില് 3,00,602 പേരും ഇതിനോടകം രോഗമുക്തരായിക്കഴിഞ്ഞു. 4,117 മരണങ്ങളാണ് റിപ്പോര്ട്ട് ചെയ്യപ്പെട്ടിട്ടുള്ളത്. നിലവില് 98.1 ശതമാനമാണ് ഒമാനിലെ കൊവിഡ് രോഗമുക്തി നിരക്ക് എന്നത്. കഴിഞ്ഞ 24 മണിക്കൂറിനിടെ ആറ് കൊവിഡ് രോഗികളെ കൂടി ആശുപത്രികളില് പ്രവേശിപ്പിക്കുകയുണ്ടായി.
കൂടാതെ ആകെ 19 കൊവിഡ് രോഗികളാണ് രാജ്യത്ത് ഇപ്പോള് ആശുപത്രികളില് ചികിത്സയിൽ കഴിയുന്നത്. ഇവരില് അഞ്ചുപേര് ഗുരുതരാവസ്ഥയിലാണ് ഉള്ളത്. ഇവരെ തീവ്രപരിചരണ വിഭാഗത്തില് പ്രവേശിപ്പിച്ച് ചികിത്സ നല്കുന്നുവെന്നും ആരോഗ്യ മന്ത്രാലയം പുറത്തുവിട്ട റിപ്പോര്ട്ട് വ്യക്തമാക്കുന്നു.
https://www.facebook.com/Malayalivartha