കോവിഡ് ബാധിച്ചതിന് ശേഷം സ്വമേധയാ രോഗമുക്തി കണക്കാക്കുന്ന കാലയളവ് കുറച്ച് സൗദി ആരോഗ്യ മന്ത്രാലയം; ഈ ദിവസങ്ങള് കഴിഞ്ഞാല് പിന്നീട് കോവിഡ് പരിശോധന നടത്തേണ്ടതില്ല
കോവിഡ് ബാധിച്ചതിന് ശേഷം സ്വമേധയാ രോഗമുക്തി കണക്കാക്കുന്ന കാലയളവ് സൗദി ആരോഗ്യ മന്ത്രാലയം കുറച്ചതായി റിപ്പോർട്ട്. നിലവില് വാക്സിന് ഡോസുകള് എടുത്തവര്ക്ക് രോഗം പിടിപെട്ടാല് ഏഴു ദിവസം കഴിഞ്ഞും വാക്സിന് പൂര്ത്തിയാക്കാത്തവര്ക്ക് രോഗം പിടിപെട്ട് പത്ത് ദിവസം കഴിഞ്ഞും സ്വമേധയ രോഗമുക്തി നേടിയതായി കണക്കാക്കുന്നതായിരിക്കും.
അതോടൊപ്പം തന്നെ ഈ ദിവസങ്ങള് കഴിഞ്ഞാല് പിന്നീട് കോവിഡ് പരിശോധന നടത്തേണ്ടതില്ല. ഈ കാലയളവ് കഴിഞ്ഞാല് ഇവരുടെ തവക്കല്ന ആപ്പില് ഇമ്മ്യൂണ് ആയതായി രേഖപ്പെടുത്തുന്നതാണ്. നേരത്തെ ഇത് എല്ലാവര്ക്കും 14 ദിവസങ്ങളായാണ് നിശ്ചയിച്ചിരുന്നത്.
അതേസമയം, സൗദി അറേബ്യയില് റിപ്പോര്ട്ട് ചെയ്യുന്ന കൊവിഡ് കേസുകളുടെ പ്രതിദിന എണ്ണം 3,000 കവിഞ്ഞതായി റിപ്പോർട്ട്. കഴിഞ്ഞ 24 മണിക്കൂറിനിടെ 3,045 പേര്ക്കാണ് രോഗബാധ സ്ഥിരീകരിച്ചിരിക്കുന്നത്. നിലവിലെ രോഗികളില് 424 പേര് സുഖം പ്രാപിക്കുകയുണ്ടായി. മരണസംഖ്യയും നേരിയ തോതില് ഉയരുകയുണ്ടായി. രാജ്യത്താകെ മൂന്നുമരണമാണ് കൊവിഡ് മൂലമാണെന്ന് സ്ഥിരീകരിച്ചിരിക്കുന്നത്.
കൂടത്തെ ഇതുവരെ രാജ്യത്ത് റിപ്പോര്ട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 5,65,482 ഉം രോഗമുക്തരുടെ എണ്ണം 5,43,553 ഉം ആയി ഉയർന്നിട്ടുണ്ട്. ആകെ മരണസംഖ്യ 8,886 ആയതായും റിപ്പോർട്ടുകൾ ചൂണ്ടിക്കാണിക്കുന്നു. രോഗബാധിതരായി ചികിത്സയില് കഴിയുന്നവരുടെ എണ്ണം 13,043 ആയി ഉയര്ന്നു. ഇവരില് 109 പേര് ഗുരുതരാവസ്ഥയിലാണ്. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ് എന്നും അധികൃതർ വ്യക്തമാക്കി.
https://www.facebook.com/Malayalivartha