കോവിഡ് വ്യാപനം രൂക്ഷമാകുന്നതിനിടെ സര്‍ക്കാര്‍ ഉദ്യോഗസ്ഥര്‍ക്ക് ബൂസ്റ്റര്‍ ഡോസ് നിര്‍ബന്ധമാക്കി അബുദാബി
06 JANUARY 2022 10:14 PM IST
മലയാളി വാര്‍ത്ത
കോവിഡ് വ്യാപനം രൂക്ഷമാകുന്നതിനിടെ ബൂസ്റ്റര്‍ ഡോസുകള്‍ നിര്‍ബന്ധമാക്കി അബുദാബി. സര്‍ക്കാര്‍ ഓഫീസുകളില്‍ പ്രവേശനത്തിന് കോവിഡ് ബൂസ്റ്റര്‍ ഡോസ് നിര്‍ബന്ധമാക്കും. സര്‍ക്കാര്‍ ജീവനക്കാര്‍ ഏഴ് ദിവസം കൂടുമ്പോള്‍ പിസിആര്‍ പരിശോധനാ ഫലം ഹാജരാക്കണം. പുതിയ നിര്‍ദ്ദേശങ്ങള്‍ ഈ മാസം 10 മുതല്‍ പ്രാബല്യത്തില്‍ വരുമെന്ന് അബുദാബി ദുരന്ത നിവാരണ അതോറിറ്റി അറിയിച്ചു.
സര്‍ക്കാര്‍ ഓഫീസുകളിലെത്തുന്നവര്‍, താല്‍ക്കാലിക ജീവനക്കാര്‍, ഉപഭോക്താക്കള്‍ ഉള്‍പ്പെടെയുള്ളവരുെ ഏഴ് ദിവസം കൂടുമ്പോള്‍ പിസിആര്‍ പരിശോധനാ ഫലം ഹാജരാക്കണം. രണ്ട് ഡോസ് വാക്‌സീനുമെടുത്ത് ആറ് മാസം പൂര്‍ത്തിയാക്കിയവര്‍ക്കാണ് ബൂസ്റ്റര്‍ ഡോസെടുക്കാന്‍ അനുമതി. വാക്‌സീനെടുത്താല്‍ ആരോഗ്യപ്രശ്‌നങ്ങള്‍ ഉണ്ടാകാന്‍ സാധ്യതയുള്ളവര്‍ക്ക് ബൂസ്റ്റര്‍ ഡോസെടുക്കുന്നതില്‍ ഇളവുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
