ദുബായിൽ വമ്പൻ ഓഫറുകൾ പ്രഖ്യാപിച്ചു. ഷോപ്പിംഗ് ഫെസ്റ്റിവലിന്റെ ഭാഗമായാണ് വൻ ഓഫറുകൾ പ്രഖ്യാപിച്ച് ദുബായ് മാൾ രംഗത്ത് എത്തിയിരിക്കുന്നത്. ആഗോള ബ്രാൻഡുകൾക്ക് 90 ശതമാനം വരെ ഡിസ്‌കൗണ്ടുകളാണ് പ്രഖ്യാപിച്ചിരിക്കുന്നത്. ജനുവരി 15 നാണ് ഈ ഓഫറുകൾ ലഭ്യമാകുക.

അതോടൊപ്പം തന്നെ ഷോപ്പിൽ നിന്ന് നേരിട്ടും ഓൺലൈനായും ഈ മെഗാ ഓഫറുകൾ സ്വന്തമാക്കാൻ കഴിയുന്നതാണ്. രാവിലെ 10 മണി മുതൽ ആരംഭിക്കുന്ന ഓഫർ സ്റ്റോക്ക് തീരുന്നത് വരെ മാത്രമേ ഉണ്ടാകുകയുള്ളു. അതുകൊണ്ട് തന്നെ ഏറ്റവും നേരത്തെ ഷോപ്പിംഗ് ഫെസ്റ്റിന്റെ ഭാഗമായി ഓഫറുകൾ സ്വന്തമാക്കണമെന്ന് ഷോപ്പിംഗ് മാൾ അറിയിച്ചിരിക്കുകയാണ്.

ഡിടിസിഎമ്മുമായി സഹകരിച്ചാണ് ലോകത്തിലെ ഏറ്റവും വലിയ രണ്ടാമത്തെ ഷോപ്പിംഗ് മാളായ ദുബായ് മാൾ ഇത്തരത്തിൽ ഒരു പരിപാടി സംഘടിപ്പിച്ചിരിക്കുന്നത്. കൊവിഡിന്റെ വ്യാപനം ശക്തമാകുന്ന സാഹചര്യത്തിൽ എല്ലാ സുരക്ഷാ മുൻകരുതലുകളും എടുത്തുകൊണ്ടാണ് മെഗാ ഷോപ്പിംഗ് നടക്കുക എന്നാണ് അധികൃതർ അറിയിച്ചിരിക്കുന്നത്.