നീണ്ട കാത്തിരിപ്പുകൾക്കൊടുവിലാണ് എയർ ബബിൾ കരാർ പ്രകാരം സൗദിയിലേക്കും തിരിച്ചും സർവീസ് നടത്താൻ ഇന്ത്യ- സൗദി അധികൃതർ ധാരണയായത്. എന്നാൽ ഈ വാർത്തകൾക്ക് പിന്നാലെ കിംവദന്തികളും പ്രചരിക്കുകയാണ്. ഇത് തികച്ചും പ്രവാസികളെ ആശങ്കയിലാഴ്ത്തുന്നുണ്ട്.

ഇ​ന്ത്യ​, യു.​എ.​ഇ​ തുടങ്ങിയ രാജ്യങ്ങളിൽ നിന്ന് സൗദിയിലേക്ക് യാ​ത്രാ​വി​ല​ക്കെ​ന്ന്​ വ്യാ​ജ​പ്ര​ചാ​ര​ണം വ്യാപകമായി നടന്നുവരുകയാണ്. സാമൂഹികമാധ്യമങ്ങളിലൂടെയാണ് ഇന്ന് രാവിലെ മുതൽ ഈ വ്യാജപ്രചരണം നടക്കുന്നത്. നേരത്തെ കോവിഡ് രൂക്ഷമായിരുന്ന സമയത്ത് സൗദിയിലേക്ക് 20 രാജ്യങ്ങളിൽ നിന്ന് താൽക്കാലിക യാത്രവിലക്ക് ഏർപ്പെടുത്തിക്കൊണ്ട് സൗദി ആഭ്യന്തര മന്ത്രാലയം പുറത്തിറക്കിയിരുന്ന പോസ്റ്ററിൽ പുതിയ തീയതി കൂട്ടിച്ചേർത്തുകൊണ്ടാണ് വ്യാജപ്രചാരണം നടന്നുവരുന്നത്.

കൊറോണ വ്യാപനത്തെ തുടർന്ന് ഇന്ത്യ, പാകിസ്ഥാൻ, യു.​എ.​ഇ, ഈജിപ്ത് തുടങ്ങി 20 രാജ്യങ്ങളിൽ നിന്ന് സൗദിയിലേക്ക് നേരത്തെ യാത്രാവിലക്കുണ്ടായിരുന്നെങ്കിലും ഇപ്പോൾ അതെല്ലാം ഒഴിവാക്കിയിട്ടുണ്ട്. എന്നാൽ അന്നിറങ്ങിയ അറബി ഭാഷയിലുള്ള പോസ്റ്ററിൽ ഇന്നത്തെ തീയതിയും ഇന്ന് രാത്രി ഒമ്പത് മണിമുതലാണ് വിലക്ക് നിലവിൽ വരുന്നതെന്നും അറബിയിൽ തന്നെ കൂട്ടിച്ചേർത്താണ് ചിലർ ഇപ്പോൾ വ്യാജവാർത്ത പ്രചരിപ്പിക്കുന്നത്.

എന്നാൽ ഈ പോസ്റ്ററിന്‍റെ ഉറവിടം വ്യക്തമല്ലെങ്കിലും കാര്യമറിയാതെ നിരവധി പേരാണ് ഇത് സാമൂഹികമാധ്യമങ്ങളിൽ പങ്കുവെക്കുന്നത്. ഇ​ത്​ വ്യാ​പ​ക​മാ​യി പ്ര​ച​രി​ച്ച​തോ​ടെ വാർത്ത ശരിയാണോ എന്നറിയാൻ നിരവധി പ്രവാസികളാണ് മാധ്യമപ്രവർത്തകരെയും മറ്റും ബന്ധപ്പെടുന്നത്. എന്നാൽ ഇത് തീർത്തും തെറ്റായ പ്രചാരണമാണ് എന്നാണ് അധികൃതർ അറിയിക്കുന്നത്. വ്യാജ വാർത്തകൾ പ്രചരിപ്പിക്കുന്നവർ സൗദിയിൽ കടുത്ത ശിക്ഷ നടപടികൾ നേരിടേണ്ടിവരുമെന്നതിനാൽ ഇത്തരം വ്യാജ പോസ്റ്ററുകൾ പ്രചരിപ്പിക്കുന്നതിൽ നിന്നും പ്രവാസികൾ വിട്ടുനിൽക്കണം എന്നും അധികൃതർ അറിയിക്കുകയുണ്ടായി.

അതോടൊപ്പം തന്നെ കഴിഞ്ഞ കുറച്ച് ദിവസങ്ങൾക്ക് മുന്നേ ഇ​ന്ത്യ​യി​ൽ​നി​ന്ന്​ യു.​എ.​ഇ​യി​ലേ​ക്ക്​ യാ​ത്രാ​വി​ല​ക്കെ​ന്ന്​ വ്യാ​ജ​പ്ര​ചാ​ര​ണം നടന്നിരുന്നു. ഒരു പ്രമുഖ മാധ്യമത്തിന്റെ പേ​രി​ലാ​ണ്​ വ്യാ​ജ പോ​സ്റ്റ​ർ അ​ടി​ച്ചി​റ​ക്കി​യ​ത്. ശ​നി​യാ​ഴ്ച മു​ത​ൽ ഇ​ന്ത്യ​യി​ൽ​നി​ന്ന്​ യു.​എ.​ഇ​യി​ലേ​ക്ക്​ യാ​ത്രാ​വി​ല​ക്ക്​ എ​ന്ന പോ​സ്റ്റ​റാ​ണ്​ വ്യാപകമായി പ​ട​ർ​ന്ന​ത്. ഇ​ത്​ വ്യാ​പ​ക​മാ​യി പ്ര​ച​രി​ച്ച​തോ​ടെ പ്ര​വാ​സി​ക​ൾ ആ​ശ​ങ്ക​യി​ലാ​യിരിക്കുകയാണ്.

ദി​വ​സ​വും പ​തി​നാ​യി​ര​ക്ക​ണ​ക്കി​നാ​ളു​ക​ളാ​ണ്​ കേ​ര​ള​ത്തി​ൽ​നി​ന്ന്​ യു.​എ.​ഇ​യി​ൽ എ​ത്തു​ന്ന​ത്. ജ​നു​വ​രി 15 എ​ന്ന ഡേ​റ്റ്​ വെ​ച്ചാ​യി​രു​ന്നു പോ​സ്റ്റ​ർ ഇ​റ​ക്കി​യ​ത്. വ്യാ​ജ പ്ര​ചാ​ര​ണം ന​ട​ത്തു​ന്ന​വ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി.