അബൂദബി സ്ഫോടനം: രണ്ട് ഇന്ത്യക്കാരടക്കം മൂന്നു മരണം, ഡ്രോണുകള്‍ പോലുള്ള പറക്കുന്ന വസ്തുക്കൾ പ്രദേശങ്ങളില്‍ വീണതാണ് തീപിടിത്തത്തിന് കാരണമെന്ന് റിപ്പോര്‍ട്ടുകൾ
17 JANUARY 2022 05:35 PM IST
മലയാളി വാര്‍ത്ത
മുസഫയില്‍ പെട്രോള്‍ ടാങ്കറുകള്‍ക്ക് തീപ്പിടിച്ചുണ്ടായ സ്ഫോടനത്തില്‍ മൂന്ന് മരണം സ്ഥിരീകരിച്ചു. രണ്ട് ഇന്ത്യക്കാരും ഒരു പാകിസ്ഥാനിയുമാണ് മരിച്ചത്.
തിങ്കളാഴ്ച രാവിലെയാണ് വിമാനത്താവളത്തിലും മുസഫയിലും തീപിടിത്തം റിപ്പോര്‍ട്ട് ചെയ്യപ്പെട്ടത്. വിമാനത്താവളത്തില്‍ നിര്‍മാണ പ്രവര്‍ത്തനം നടക്കുന്ന സ്ഥലത്തും മുസഫയില്‍ അഡ്‌നോക് സംഭരണ ടാങ്കുകള്‍ക്ക് സമീപവുമാണ് തീപിടിത്തമുണ്ടായത്. മുസഫലില്‍ മൂന്ന് പെട്രോളിയം ടാങ്കറുകള്‍ പൊട്ടിത്തെറിച്ചു.
മുഹമ്മദ് ബിന്‍ സായിദ് സിറ്റിക്ക് സമീപം മുസഫയിലെ ഐഡാക്-3 ലാണ് സ്ഫോടനം നടന്നതെന്നും യു.എ.ഇ വാര്‍ത്താ ഏജന്‍സി റിപ്പോര്‍ട്ട് ചെയ്തു. കൂടുതല്‍ അന്വേഷണം നടന്നു വരികയാണ്. ഡ്രോണുകള്‍ പോലുള്ള പറക്കുന്ന വസ്തു ഈ പ്രദേശങ്ങളില്‍ വീണതാണ് തീപിടിത്തത്തിന് കാരണമെന്ന് റിപ്പോര്‍ട്ടുകളുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
