പ്രവാസികളെ തേടി ഒരു സന്തോഷ വാർത്തയാണ് എത്തുന്നത്. പ്രവാസികളെ എന്നും ഒപ്പം കൂട്ടുന്ന യുഎഇ തന്നെയാണ് ആ സന്തോഷ വാർത്ത അറിയിച്ചിരിക്കുന്നത്. അതായത് 2022 ലെ ആദ്യ ആറ് മാസത്തിനുള്ളില്‍ തന്നെ യുഎഇയിലെ 65 ശതമാനം ജീവനക്കാരും പുതിയ ജോലി തേടാന്‍ പദ്ധതിയിടുന്നതായി റിക്രൂട്ട്‌മെന്റ് കണ്‍സള്‍ട്ടന്‍സി റോബര്‍ട്ട് ഹാഫ് റിപ്പോർട്ട് ചെയ്യുന്നു. ബിസിനസുകള്‍ റിക്രൂട്ട്‌മെന്റ് പ്ലാനുകള്‍ ത്വരിതപ്പെടുത്തുകയും തൊഴില്‍ വിപണി കൊവിഡിന് മുമ്പുള്ള തലത്തിലേക്ക് മടങ്ങുകയും ചെയ്യുന്നതിനാലാണ് പുതിയ ജോലികള്‍ തേടാന്‍ ആളുകളെ പ്രേരിപ്പിക്കുന്നത്.

2021 അവസാനത്തോടെ തന്നെ പുതിയ ജോലികള്‍ തേടിയ 31 ശതമാനം തൊഴിലാളികള്‍ക്ക് പുറമെ 15 ശതമാനം പേരും 2022 ന്‍റെ ആദ്യ പാദത്തില്‍ തന്നെ പുതിയ ജോലിക്കായുള്ള അന്വേഷണം ആരംഭിക്കുന്നതാണ്. ഡിസംബര്‍ 15 നും 20 നും ഇടയില്‍ യുഎഇയിലെ 500 ജീവനക്കാരില്‍ നടത്തിയ അഭിപ്രായ വോട്ടെടുപ്പ് പ്രകാരം, ഈ വര്‍ഷത്തിന്റെ രണ്ടാം പാദത്തില്‍ 19 ശതമാനം പേര്‍ പുതിയ ജോലി തേടുമെന്നും റിപ്പോർട്ടുകൾ ചൂണ്ടിക്കാണിക്കുന്നു. ഇത് പലര്‍ക്കും വാര്‍ഷിക ബോണസ് പേയ്‌മെന്റ് പിന്തുടരുന്നതാണ്.

അതോടപ്പം തന്നെ യുഎഇയിലെ 73 % സ്ഥാപനങ്ങളും ഈ വര്‍ഷം 5 % വരെ ശമ്പളം വര്‍ദ്ധിപ്പിക്കുമെന്നും സര്‍വ്വെയിൽ ചൂണ്ടിക്കാട്ടുകയുണ്ടായി. യുഎഇയിലെ 30 % കമ്പനികളും ജീവനക്കാര്‍ക്ക് വര്‍ക്ക് ഫ്രം ഹോം ഓപ്ഷന്‍ നല്‍കുന്നതായിരിക്കും. സ്വകാര്യമേഖലയിലെ 19 % തൊഴിലുടമകളും വെള്ളിയാഴ്ച ജീവനക്കാര്‍ക്ക് വീട്ടിലിരുന്ന് ജോലി ചെയ്യാനുള്ള അവസരം നല്‍കുമെന്നും സര്‍വെയിൽ വ്യക്തമാക്കുന്നു.