കഴിഞ്ഞ കുറച്ച് നാളുകളായി ഗൾഫ് രാഷ്ട്രങ്ങളിൽ പ്രവാസികൾക്ക് കർശന നിബന്ധനകളാണ് നൽകുന്നത്. എന്നാൽ ഇതോടൊപ്പം തന്നെ ഇളവുകൾ നൽകുകയാണ് ഇവർ. അത്തരത്തിൽ 60 കഴിഞ്ഞ വിദേശികൾക്ക് വിസ പുതുക്കാൻ അവസരം നൽകിയ ബഹ്റെെൻ തൊഴിൽ മന്ത്രാലയത്തിന്റെ പുതിയ തീരുമാനം നിരവധി പ്രവാസികൾക്ക് വലിയ ആശ്വാസമായി തീർന്നിരിക്കുകയാണ്. വിസ പുതുക്കാൻ അനുവാദം ലഭിക്കാത്തതിനാൽ തന്നെ നിരവധി പ്രവാസികൾ കഴിഞ്ഞ വർഷം നാട്ടിൽ എത്തിയിരുന്നു. സ്വകാര്യ കമ്പനിയിൽ ജോലി ചെയ്യുന്ന പ്രവാസികൾ ആണ് നാട്ടിലെത്തിയത്. എന്തായാലും പുതിയ തീരുമാനം പല പ്രവാസികൾക്കും അനുഗ്രഹമാകുന്നതായിരിക്കും.

അതോടൊപ്പം തന്നെ 60 വയസ് കഴിഞ്ഞവർക്ക് അഞ്ചു വർഷത്തെ വിസ നൽകുന്ന പദ്ധതിയും നിലവിലുണ്ട്. 60 വയസ് കഴിഞ്ഞവരുടെ വിസ പുതുക്കില്ലെന്ന തീരുമാനം എടുത്ത് കളയണം എന്ന് നിരവധി സ്വകാര്യ സ്ഥാപനങ്ങൾ സർക്കാറിനോട് ആവശ്യപ്പെടുകയുണ്ടായി. കമ്പനിയുടെ തുടക്കം മുതൽ ഉള്ള പല തൊഴിലാളികളും ഒരുമിച്ച് പിരിഞ്ഞ് പോകുന്നത് സ്ഥാപനങ്ങളിൽ വലിയ പ്രശ്നങ്ങൾ സൃഷ്ട്ടിക്കും എന്നാണ് കമ്പനികൾ വാദിക്കുന്നത് തന്നെ. 80 -90 കാലഘട്ടത്തിൽ ജോലി തേടി ഗൾഫിൽ എത്തിയവാണ് ഇവരിൽ കൂടുതൽ പേരും ചെയ്യുന്നത്.

കൂടുതൽ ചെറുപ്പത്തിൽ വലിയ പ്രായം കാണിച്ച് വ്യാജരേഖയുണ്ടാക്കി ഗൾഫിൽ എത്തിയവർ പലരും ഇന്നും ജോലി ചെയ്യുന്നതായാണ് റിപ്പോർട്ടുകൾ ചൂണ്ടിക്കാണിക്കുന്നത്. പലരുടേയും സ്ക്കൂൾ രേഖകളിലേയും പാസ്പോർട്ട് രേഖകളിലേയും വയസ്സുകൾ തമ്മിൽ ഒരുപാട് അന്തരമുണ്ട് എന്നതും ശ്രദ്ധിക്കേണ്ടതാണ്. പലരും വയസ് രേഖകളിൽ എങ്ങനെ കുറക്കാൻ സാധിക്കും എന്നുള്ള ചിന്തയിലായിരുന്നു. എന്നാൽ തൊഴിൽ മന്ത്രാലയത്തിൻന്റെ പുതിയ തീരുമാനം വലിയ അനുഗ്രഹമായിരിക്കുകയാണ് നമ്മുടെ പ്രവാസികൾക്ക്.