പ്രവാസികൾക്ക് അഭിമാനമായി ആ ദിനം എത്തിയിരിക്കുകയാണ്. അതെ, എക്സ്പോ വേദിയിൽ വേറിട്ട കാഴ്ചകൾ ഒരുക്കാൻ കേരളം. എക്‌സ്‌പോ 2020 ദുബൈയിലെ കേരള പവലിയന്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുമെന്ന റിപ്പോർട്ടുകൾ പുറത്ത് വന്നിരിക്കുകയാണ്. ഫെബ്രുവരി 4 വെള്ളിയാഴ്​ച വൈകുന്നേരം 5ന് നടക്കുന്ന ചടങ്ങിൽ സംസ്​ഥാന നിയമവ്യവസായ മന്ത്രി പി. രാജീവ്, യു.എ.ഇയിലെ ഇന്ത്യന്‍ അംബാസഡര്‍ സഞ്ജയ് സുധീര്‍, കേരള ഗവ. പ്രിന്‍സിപ്പല്‍ സെക്രട്ടറി (വ്യവസായം) എ.പി.എം മുഹമ്മദ് ഹനീഷ്, ദുബൈ ഇന്ത്യന്‍ കോണ്‍സുല്‍ ജനറല്‍ ഡോ. അമന്‍ പുരി, വ്യവസായ പ്രമുഖര്‍ തുടങ്ങിയവർ പങ്കെടുക്കുന്നതായിരിക്കുന്നതായിരിക്കും.

അതോടൊപ്പം തന്നെ ഇന്ത്യൻ പവലിയനില്‍ ഫെബ്രുവരി 4 മുതല്‍ 10 വരെ നടക്കുന്ന 'കേരള വീക്കി'ല്‍ വ്യത്യസ്ത പദ്ധതികള്‍, നിക്ഷേപ മാര്‍ഗങ്ങള്‍, ടൂറിസം, ഐടി, സ്റ്റാര്‍ട്ടപ്, വൈദഗ്ധ്യം തുടങ്ങിയവ സംബന്ധിച്ച് അവതരണങ്ങളുണ്ടാകുന്നതായിരിക്കും. രാജ്യാന്തര ബിസിനസ് സമൂഹത്തില്‍ നിന്നും കേരളത്തിലേക്ക് നിക്ഷേപമാകര്‍ഷിക്കുന്നതിനാണ് കൂടുതല്‍ പ്രാധാന്യം നല്‍കുമെന്നാണ് റിപ്പോർട്ടുകള ചൂണ്ടിക്കാണിക്കുന്നത്. സംസ്ഥാനത്തിന്റെ സമ്പന്നമായ കലാ-സാംസ്‌കാരിക പൈതൃകം തനത് പരമ്പരാഗത ശൈലിയില്‍ കേരള പവലിയനില്‍ അവതരിപ്പിക്കുന്നതായിരിക്കും.

ഇതുകൂടാതെ സുപ്രധാന മേഖലകളിലെ നിക്ഷേപത്തിനുള്ള ബിസിനസ് സാധ്യതകളും ഈസ് ഓഫ് ഡൂയിങ്സ് ബിസിനസ്, കെ സ്വിഫ്റ്റ് പോര്‍ട്ടല്‍, എം.എസ്.എം.ഇ ഫെസിലിറ്റേഷന്‍ ആക്റ്റ് തുടങ്ങിയവയിലെ സമീപകാല മാറ്റങ്ങളും സംബന്ധിച്ച കാര്യങ്ങള്‍ വ്യവസായ വകുപ്പ് പ്രദര്‍ശിപ്പിക്കുന്നതാണ്. പ്രവാസികളുടെ ക്ഷേമ-സാമൂഹികാനുകൂല്യങ്ങളും ബിസിനസ് അവസരങ്ങളും സംബന്ധിച്ച വിശദാംശങ്ങള്‍ നോര്‍ക വകുപ്പ് നല്‍കുകയും ചത്തെയുമെന്ന അധികൃതർ അറിയിച്ചു. കാരവന്‍ ടൂറിസം, എക്കോ ടൂറിസം, അഡ്വഞ്ചര്‍ ടൂറിസം തുടങ്ങിയ വിനോദ സഞ്ചാര പദ്ധതികളെയും ടൂറിസവുമായി ബന്ധപ്പെട്ട നിക്ഷേപ-ബിസിനസ് അവസരങ്ങളെയും ടൂറിസം വകുപ്പ് അവതരിപ്പിക്കുമെന്നും സംഘാടകർ വ്യക്തമാക്കുകയുണ്ടായി.

അതേസമയം, അമേരിക്കയിലെ ചികിത്സ കഴിഞ്ഞ്​ ശനിയാഴ്​ച രാവിലെയാണ്​ മുഖൈമന്ത്രി ബൈ വിമാനത്താവളത്തിലെത്തിയത്​. പത്ത്​ ദിവസം ദുബൈയിലുണ്ടാകുമെന്നാണ് റിപ്പോർട്ട്. ഭാര്യ കമല വിജയനും ഒപ്പമുണ്ട്​. വിമാനത്താവളത്തിൽ കോൺസുൽ ജനറൽ അമൻ പുരിയാണ്​ മുഖ്യമന്ത്രിയെ സ്വീകരിച്ചത്​.

രണ്ട് ദിവസത്തെ വിശ്രമം കഴിഞ്ഞ് ഫെബ്രുവരി നാലിന്​ എക്​സ്​പോയിലെ കേരള പരിപാടികൾ മുഖ്യമന്ത്രി ഉദ്​ഘാടനം ചെയ്യുന്നതായിരിക്കും. ഇതുകൂടാതെ വ്യവസായ സമൂഹവുമായി ചർച്ചകളുണ്ടാകും. ചികിത്സ കഴിഞ്ഞെത്തിയതിനാൽ തന്നെ കാര്യമായ പൊതുപരിപാടികൾ ഉണ്ടാവില്ലെന്നാണ്​ അറിയിച്ചിരിക്കുന്നത്​. ഫെബ്രുവരി ഏഴിന്​​ കേരളത്തിലേക്ക്​ മടങ്ങാനാണ്​ പദ്ധതിയെങ്കിലും വൈകുമെന്നും പല റിപ്പോർട്ടുകളും വ്യക്തമാക്കുന്നു​.