പ്രവാസികൾക്ക് താൽക്കാലിക ആശ്വാസം; സൗദിയില് ഇഖാമ കാലാവധി കഴിഞ്ഞ് ഇന്ത്യന് പാസ്പോര്ട്ട് പുതുക്കാനാകാതെ ബുദ്ധിമുട്ടുന്ന ഇന്ത്യന് പ്രവാസികള്ക്ക് വമ്പൻ അവസരം, അഞ്ച് വര്ഷം കാലാവധിയുള്ള പാസ്പോര്ട്ട് അനുവദിക്കുമെന്ന് ഇന്ത്യന് എംബസി
പ്രവാസികൾക്ക് താൽക്കാലിക ആശ്വാസം നൽകുന്ന വർത്തയായുമായി സൗദി അറേബ്യ. സൗദിയില് ഇഖാമ കാലാവധി കഴിഞ്ഞ് ഇന്ത്യന് പാസ്പോര്ട്ട് പുതുക്കാനാകാതെ ബുദ്ധിമുട്ടുന്ന ഇന്ത്യന് പ്രവാസികള്ക്ക് താത്കാലിക ഇത് ആശ്വാസമാണ്. അഞ്ച് വര്ഷം കാലാവധിയുള്ള പാസ്പോര്ട്ട് അനുവദിക്കുമെന്ന് ഇന്ത്യന് എംബസി അറിയിക്കുകയുണ്ടായി.
അതായത് ഇഖാമ കാലാവധി കഴിഞ്ഞ ഇന്ത്യന് പ്രവാസികളെ പാസ്പോര്ട്ട് പുതുക്കാന് പുറംകരാര് ഏജന്സിയായ വിഎഫ്എസ് സെന്ററുകള് അനുവദിക്കുന്നില്ലെന്ന വിഷയം ചൂണ്ടിക്കാട്ടി നവയുഗം സാംസ്കാരികവേദി കേന്ദ്രകമ്മിറ്റി ജനുവരി 19 ന് ഇന്ത്യന് എംബസിക്ക് നിവേദനം നൽകിയിരുന്നു. ഇതിന് മറുപടിയായാണ് ഇന്ത്യന് എംബസി സെക്കന്ഡ് സെക്രട്ടറി പ്രേം സെല്വാള് ഇക്കാര്യം വ്യക്തമാക്കിയിരിക്കുന്നത്.
അങ്ങനെ ഇഖാമ കാലാവധി കഴിഞ്ഞവരുടെ അപേക്ഷയും സ്വീകരിക്കാന് വിഎഫ്എസ് സെന്ററുകള്ക്ക് നിര്ദേശം നല്കിയിട്ടുണ്ടെന്നും അത്തരം പ്രവാസികള് അവരുടെ സ്പോണ്സറുടെയോ കമ്പനിയുടെയോ ഇഖാമ പിന്നീട് പുതുക്കികൊടുക്കാമെന്ന് ഉറപ്പ് നല്കുന്ന ഒരു കത്ത് ഹാജരാക്കിയാല് അഞ്ച് വര്ഷം കാലാവധിയുള്ള താത്ക്കാലിക പാസ്പോര്ട്ട് അനുവദിക്കുന്നതാണ്. പിന്നീട്, ഇഖാമ പുതുക്കിയാല് ഇവര്ക്ക് 10 വര്ഷം കാലാവധിയുള്ള സാധാരണ പാസ്പോര്ട്ടിന് അപേക്ഷിക്കാമെന്നും എംബസി വ്യക്തമാക്കി.
അതോടൊപ്പം തന്നെ ഈ വിഷയം ഉന്നയിച്ച് നവയുഗം കേന്ദ്രകമ്മിറ്റി വിദേശകാര്യ മന്ത്രാലയത്തിനും നിവേദനം നല്കിയിരുന്നു. നവയുഗത്തിന്റെ അഭ്യര്ഥന മാനിച്ച് ബിനോയ് വിശ്വം എംപിയും ഈ വിഷയം വിദേശകാര്യമന്ത്രാലയത്തിന്റെ ശ്രദ്ധയില്പ്പെടുത്തുകയാണ് ചെയ്തത്.
https://www.facebook.com/Malayalivartha
