വിദേശരാജ്യങ്ങളില് നിന്ന് കുവൈത്തിലേക്ക് വരുന്നവര്ക്കുള്ള കൊവിഡ് നിബന്ധനകളില് കൂടുതല് ഇളവ്; ഇത് സംബന്ധിച്ച തീരുമാനമെടുത്തത് കഴിഞ്ഞ ദിവസം ചേര്ന്ന പ്രതിവാരം ക്യാബിനറ്റ് യോഗത്തിൽ
പ്രവാസികൾക്ക് സന്തോഷ വാർത്തയുമായി കുവൈറ്റ്. വിദേശരാജ്യങ്ങളില് നിന്ന് കുവൈത്തിലേക്ക് വരുന്നവര്ക്കുള്ള കൊവിഡ് നിബന്ധനകളില് കൂടുതല് ഇളവ് അനുവദിക്കാന് തീരുമാനം കൈക്കൊണ്ടതായി റിപ്പോർട്ട്. കഴിഞ്ഞ ദിവസം ചേര്ന്ന പ്രതിവാരം ക്യാബിനറ്റ് യോഗത്തിലാണ് ഇത് സംബന്ധിച്ച തീരുമാനം അധികൃതർ എടുത്തത്. ഇളവുകള് ഫെബ്രുവരി 20 മുതല് പ്രാബല്യത്തില് വരുന്നതാണ്.
അതോടൊപ്പം തന്നെ പുതിയ അറിയിപ്പ് പ്രകാരം രണ്ട് ഡോസ് വാക്സിനെടുത്തവര് യാത്ര പുറപ്പെടുന്നതിന് മുമ്പും കുവൈത്തില് എത്തിയ ശേഷവും കൊവിഡ് പി.സി.ആര് പരിശോധന നടത്തേണ്ടതില്ല. ഒപ്പം രാജ്യത്ത് എത്തിയ ശേഷമുള്ള ക്വാറന്റൈനില് നിന്നും ഇവരെ ഒഴിവാക്കിയിരിക്കുകയാണ്. സര്ക്കാര് വക്താവും ഗവണ്മെന്റ് കമ്മ്യൂണിക്കേഷന് സെന്റര് തലവനുമായ താരിഖ് അല് മസ്റമാണ് കഴിഞ്ഞ ദിവസം നടന്ന വാര്ത്താ സമ്മേളനത്തില് പുതിയ തീരുമാനങ്ങള് പ്രഖ്യാപിച്ചുകൊണ്ട് എത്തിയത്.
എന്നാൽ പൂര്ണമായി വാക്സിനെടുത്തിട്ടില്ലാത്തവര്ക്ക് കുവൈത്തിലേക്ക് വരാന് യാത്ര പുറപ്പെടുന്ന സമയത്തിന് 72 മണിക്കൂറിനിടെ നടത്തിയ കൊവിഡ് പി.സി.ആര് പരിശോധനാ ഫലം നിര്ബന്ധമാണ്. കുവൈത്തിലെത്തിയ ശേഷം ഏഴ് ദിവസത്തെ ക്വാറന്റീനില് കഴിയണം എന്നും അധികൃതർ വ്യക്തമാക്കുന്നു. ക്വാറന്റീന് അവസാനിപ്പിക്കാന് വീണ്ടും പി.സി.ആര് പരിശോധന നടത്തുകയും വേണം. കുവൈത്ത് ആരോഗ്യ മന്ത്രാലയം അംഗീകരിച്ച വാക്സിനുകളെടുത്തവര്ക്ക് മാത്രമായിരിക്കും പുതിയ ഇളവുകള് ലഭിക്കുന്നതായിരിക്കും.
https://www.facebook.com/Malayalivartha
