ഒമാനിൽ വെള്ളപ്പൊക്കം! വെള്ളത്തിനടിയിലായകാറിൽ കുടുങ്ങിൽ പ്രവാസി മരിച്ചു.... പലയിടങ്ങളിലും വാഹന ഗതാഗതം തടസ്സപ്പെട്ടു! വിവിധ ഗവര്‍ണറേറ്റുകളിലെ വാദികളില്‍ വാഹനങ്ങളിലും മറ്റും കുടുങ്ങിയ 35 ലധികം പേരെ സിവില്‍ ഡിഫന്‍സ് ആന്‍ഡ് ആംബുലന്‍സ് അധികൃതരും റോയല്‍ ഒമാന്‍ പൊലിസും ചേര്‍ന്ന് രക്ഷിച്ചു
ഒമാനില്‍ കഴിഞ്ഞ കുറച്ച് ദിവസങ്ങളായി പെയ്യുന്ന കനത്ത മഴയില്‍ രാജ്യത്തിന്റെ വിവിധ ഭാഗങ്ങള്‍ വെള്ളത്തിനടിയിലായതായി റിപ്പോർട്ട്. ഇതിനുപിന്നാലെ വാഹനത്തില്‍ കുടുങ്ങിയ ഒരു പ്രവാസി മരണപ്പെട്ടു. തലസ്ഥാന പ്രദേശമായ മസ്‌കത്തുള്‍പ്പെടെ വിവിധ ഗവര്‍ണറേറ്റുകളില്‍ റോഡുകളിലുണ്ടായ വെള്ളക്കെട്ടുകളില്‍ നിരവധി പേര്‍ വാഹനങ്ങളില്‍ കുടുങ്ങിയതായുള്ള റിപ്പോർട്ടുകളും പുറത്ത് വരികയുണ്ടായി. രക്ഷാപ്രവർത്തനം തുടരുകയാണ്. പലയിടങ്ങളിലും വാഹന ഗതാഗതം തടസ്സപ്പെട്ടു. വിവിധ ഗവര്‍ണറേറ്റുകളിലെ വാദികളില്‍ വാഹനങ്ങളിലും മറ്റും കുടുങ്ങിയ 35 ലധികം പേരെ സിവില്‍ ഡിഫന്‍സ് ആന്‍ഡ് ആംബുലന്‍സ് അധികൃതരും റോയല്‍ ഒമാന്‍ പൊലിസും ചേര്‍ന്ന് രക്ഷിച്ചു.
അതോടൊപ്പം തന്നെ മസ്‌കത്ത് ഗവര്‍ണറേറ്റില്‍ മത്ര വിലായത്തിലെ ജിബ്രുവില്‍ ഇങ്ങനെ വാഹനത്തില്‍ കുടുങ്ങിയ പ്രവാസിയാണ് മരിച്ചത്. ഇദ്ദേഹത്തെ സുരക്ഷാ ഉദ്യോഗസ്ഥര്‍ ചേര്‍ന്ന് വാഹനത്തില്‍ നിന്ന് രക്ഷിച്ചിരുന്നുവെങ്കിലും ശ്വാസതടസ്സം അനുഭവപ്പെട്ടതിനെ തുടര്‍ന്ന് മരണപ്പെടുകയായിരുന്നുവെന്ന് ആശുപത്രി അധികൃതർ അറിയിച്ചു. ഇദ്ദേഹത്തിന്റെ വിശദാംശങ്ങള്‍ ഇതുവരെ ലഭ്യമായിട്ടില്ല.
അതേസമയം മസ്‌ക്കറ്റ് വിമാനത്താവളത്തില്‍ 9.6 മില്ലിമീറ്റര്‍ മഴയാണ് ലഭിച്ചത്. വാദി അല്‍ മവാലിലും സൗത്ത് അല്‍ ബത്തീനയിലും ശക്തമായ മഴ പെയ്തു. മത്ര സൂഖില്‍ മലയാളികളടക്കമ്മുള്ള വ്യാപാര സ്ഥാപനങ്ങളില്‍ കനത്ത നാശനഷ്ടം രേഖപ്പെടുത്തുകയും ചെയ്തു. വീടുകളില്‍ വെള്ളം കയറിയതിനെ തുടര്‍ന്ന് മത്ര മേഖലയിലെ വീടുകളില്‍നിന്ന് ആളുകളെ ഒഴിപ്പിച്ചതായും റിപ്പോര്‍ട്ടുണ്ട്. ഈ മേഖലയില്‍നിന്ന് വാഹനത്തിനുള്ളില്‍ കുടുങ്ങിയ മുപ്പതോളം പേരെ തിങ്കളാഴ്ച രക്ഷപ്പെടുത്തിയതായി സിവില്‍സ് ആന്‍ഡ് ആംബുലന്‍സ് അധികൃതര്‍ വ്യക്തമാക്കി. ഗൂബ്ര ഏരിയയില്‍ വാദിയില്‍ വാഹനത്തിനുള്ളിലും മറ്റും കുടുങ്ങിയ സ്വദേശികളും വിദേശിളും ഉള്‍പ്പെടെ അഞ്ചുപേരെ സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി രക്ഷിച്ചു.
വിവിധ ഗവര്‍ണറേറ്റുകളില്‍ ചൊവാഴ്ചയും ഒറ്റപ്പെട്ട മഴക്ക് സാധ്യതയുണ്ടെന്ന് കാലാവാസ്ഥ നിരീക്ഷണ കേന്ദ്രം നിർദ്ദേശം നൽകി. മുസന്തം, തീരപ്രദേശങ്ങള്‍, നോര്‍ത്ത്- സൗത്ത് അല്‍ ബത്തീന, ദാഖിലിയ്യ തുടങ്ങിയ മേഖലകളില്‍ അടുത്ത ദിവസങ്ങളിലും ശക്തമായ പഴ പെയ്യാന്‍ സാധ്യതയുണ്ടെന്ന് സിവില്‍ ഏവിയേഷന്‍ അതോറിറ്റിയിലെ കാലാവസ്ഥാ വിഭാഗം ശാസ്ത്രജ്ഞന്‍ ഇബ്രാഹിം അല്‍ ബ്രഷാദി അറിയിക്കുകയുണ്ടായി. അല്‍ ദാഹിറ, അല്‍ വുസ്ത, ദൊഫാര്‍ തുടങ്ങിയ മരുഭൂ പ്രദേശങ്ങളില്‍ ശക്തമായ പൊടിക്കാറ്റിനും അതുമൂലം കാഴ്ചാപരിധി വലിയ തോതില്‍ കുറയാനും സാധ്യതയുണ്ട്. തീരപ്രദേശങ്ങളില്‍ തിരമാല രണ്ട് മീറ്ററോളം ഉയര്‍ന്നേക്കുമെന്നും കാലാവസ്ഥാ നിരീക്ഷണ കേന്ദ്രം അറിയിക്കുകയുണ്ടായി.
https://www.facebook.com/Malayalivartha
