സൗദിയിൽ പുതുതായി 145 പുതിയ രോഗികളും 335 രോഗമുക്തിയും രേഖപ്പെടുത്തിയതായി റിപ്പോർട്ട്. ഇതോടെ ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 7,48,769 ഉം രോഗമുക്തരുടെ എണ്ണം 7,30,690 ഉം ആയതായി അതികൃതർ അറിയിച്ചു. പുതുതായി ഒരു മരണവും റിപ്പോർട്ട് ചെയ്യുകയുണ്ടായി.

ഇതോടെ രാജ്യത്തെ ആകെ മരണം 9,018 ആയി ഉയർന്നു. നിലവിൽ 9,061 പേർ രോഗം ബാധിച്ച് ചികിത്സയിൽ കഴിയുകയാണ്. ഇവരിൽ 308 പേരുടെ നില ഗുരുതരമാണ്. ഇവരെ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്.

കൂടാതെ സൗദിയിൽ നിലവിലെ കോവിഡ് മുക്തി നിരക്ക് 97.58 ശതമാനവും മരണനിരക്ക് 1.20 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 47, ജിദ്ദ 15, മദീന 9, മക്ക 9, ത്വാഇഫ് 6, ദമ്മാം 6, അബഹ 5, ഹുഫൂഫ് 5. സൗദിയിൽ ഇതുവരെ 6,18,65,903 ഡോസ് വാക്സിൻ വിതരണം ചെയ്യുകയുണ്ടായി.