സൗദി അറേബ്യയിൽ വളരെ ഏറെ ഞെട്ടിക്കുന്ന റിപ്പോർട്ടാണ് പുറത്ത് വരുന്നത്. വടക്കന്‍ മേഖലകളില്‍ ശീതതരംഗത്തിന് സാധ്യതയെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നല്‍കിയിരിക്കുകയാണ്. രാജ്യത്തുടനീളം തന്നെ താപനില ഗണ്യമായി കുറയുമെന്നാണ് അധികൃതർ വ്യക്തമാക്കിയിരിക്കുന്നത്. തബുക്, ഹൈല്‍, അല്‍ ജൗഫ്, നോര്‍ത്തേണ്‍ ബോര്‍ഡര്‍ തുടങ്ങിയ മേഖലകളില്‍ താപനില മൈനസ് മൂന്ന് വരെ താഴുന്നതാണ്. ഈ ആഴ്ച അവസാനം വരെ ശീതതരംഗം നീണ്ടുനില്‍ക്കുമെന്നാണ് പ്രവചനം പറയുന്നത്.

അതോടൊപ്പം തന്നെ മാര്‍ച്ച് 15 മുതൽ 18 വെള്ളിയാഴ്ച വരെയാണ് ശീതതരംഗം നീണ്ടുനില്‍ക്കുക. ഇതിന്റെ പ്രഭാവം കാരണം അല്‍ ഖാസിം, അല്‍ ശര്‍ഖിയ, റിയാദ് മുതലായ മേഖലകളില്‍ താപനില നാല് ഡിഗ്രി വരെ താഴുന്നതാണ്. ശീതതരംഗത്തിനൊപ്പം പൊടിക്കാറ്റിനും സാധ്യതയുണ്ട്. മക്ക, തബുക്, മദീന, അല്‍ ജൗഫ്, ഹൈല്‍, നോര്‍ത്തേണ്‍ ബോര്‍ഡേഴ്‌സ്, അല്‍ ഖാസിം തുടങ്ങിയ ഇടങ്ങളിലാണ് ജാഗ്രതാ നിര്‍ദ്ദേശം നൽകിയിട്ടുള്ളത്. മണിക്കൂറില്‍ അമ്പത് കിലോമീറ്റര്‍ വരെ വേഗതയുള്ള അതിശക്തമായ പൊടിക്കാറ്റ് കാഴ്ച മറയ്ക്കാന്‍ സാധ്യതയുള്ളത് പരിഗണിച്ചാണ് ജാഗ്രതാ നിര്‍ദ്ദേശം നൽകിയിരിക്കുന്നത്.

അതോടൊപ്പം തന്നെ സൗദിയിലെ വിവിധ മേഖലകളിൽ ശക്തി പ്രാപിച്ച പൊടിക്കാറ്റ് ഉണ്ടായിരിക്കും എന്ന് സൗദി കാലാവസ്ഥാ നിരീക്ഷണകേന്ദ്രം അറിയിച്ചിട്ടുണ്ട്. വെള്ളിയാഴ്ച വരെ ഇത് തുടരും എന്ന് കാലാവസ്ഥാ നിരീക്ഷണ കേന്ദ്രം അറിയിക്കുകയുണ്ടായി. സൗദിയിലെ മിക്ക സ്ഥലങ്ങളിലേയും താപനില കുറയുമെന്നാണ് സൂചന. ഇതുമൂലം സൗദിയുടെ ഭൂരിഭാഗം പ്രദേശങ്ങളിലും അന്തരീക്ഷത്തിൽ പൊടിപടലങ്ങൾ നിറയും. ദൂരക്കാഴ്ച കുറയുന്ന അവസ്ഥയുണ്ടാകും. അതുകൊണ്ട് തന്നെ വാഹനം ഓടിക്കുന്നവർ ശ്രദ്ധിക്കണമെന്ന് സിവിൽ ഡിഫൻസ് അധികൃതർ മുന്നറിയിപ്പ് നൽകിയിട്ടുണ്ട്.

കിഴക്കൻ പ്രവിശ്യ, അൽഖസീം, റിയാദ്, ഹാഇൽ, അൽജൗഫ്, വടക്കൻ അതിർത്തി മേഖല, ജീസാൻ, അൽ ബഹ,അസീർ, നജ്‌റാൻ, മക്ക, മദീന എന്നിവിട ങ്ങളിലാണ് പൊടിക്കാറ്റ് ശക്തമായി തുടരുന്നത്. ചില പ്രദേശങ്ങളിൽ കാറ്റിനൊപ്പം ഇടിമിന്നലോടു കൂടിയ മഴ പെയ്യാനുള്ള സാധ്യതയുണ്ടെന്ന് കേന്ദ്രം മുന്നറിയിപ്പ് നൽകിയിട്ടുണ്ട്.

വടക്കൻ അതിർത്തി മേഖല, തബൂക്ക്, അൽജൗഫ്, ഹാഇൽ മേഖലകളിലെ ചില ഭാഗങ്ങളിലും താപനില ഒന്ന് മുതൽ ആറ് വരെ ഡിഗ്രി സെൽഷ്യസിനിടയിൽ എത്തും. കാറ്റിന്റെ വേഗത വടക്ക് പടിഞ്ഞാറ് ഭാഗങ്ങളിൽ മണിക്കൂറിൽ 30 മുതൽ 60 വരെ കിലോമീറ്റർ വേഗതയിൽ ആയിരിക്കും. അതേസമയം രാജ്യത്തിന്റെ തെക്ക് ഭാഗങ്ങളിൽ മണിക്കൂറിൽ 20 മുതൽ 30 വരെ കിലോമീറ്റർ വേഗതയിൽ ആയിരിക്കും കാറ്റ് വീശുക. കടലിൽ തിരമാലയുടെ കൂടാനും സാധ്യതയുണ്ട്. ഒന്നര മുതൽ രണ്ടര മീറ്റർ വരെ വടക്കുഭാഗത്തും മൂന്ന് മീറ്റർ മധ്യഭാഗത്തും ഒന്ന് മുതൽ രണ്ടു മീറ്റർ വരെ ഉയരത്തിൽ തെക്ക് ഭാഗത്തും ഉയരാൻ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം നിലവിൽ അറിയിച്ചിരിക്കുന്നത്.