യുഎഇ ചരക്കുകപ്പല്‍ കൊടുങ്കാറ്റില്‍ പെട്ട് കടലില്‍ മുങ്ങി. ഇന്ത്യക്കാരടക്കം, 30 പേരുണ്ടായിരുന്ന ചരക്കുകപ്പല്‍ രാവിലെയുണ്ടായ കൊടുങ്കാറ്റില്‍ പെട്ടാണ് മുങ്ങിയത്. രണ്ട് പേരൊഴികെ, ബാക്കിയുള്ളവരെ രക്ഷിച്ചെന്നാണ് ഏറ്റവും പുതിയ റിപ്പോര്‍ട്ടുകള്‍. ഇറാനിലെ അസലൂയ തീരത്താണ്​ സംഭവം. യു.എ.ഇയിലെ സലീം അല്‍ മക്രാനി കമ്ബനിയുടെ, സല്‍മി 6 എന്ന കപ്പലാണ്​ മുങ്ങിയത്​.

16 പേ​രെ ആദ്യം രക്ഷപ്പെടുത്തിയിരുന്നു. 11 പേര്‍ക്ക്​ ജീവന്‍രക്ഷാ ഉപകരണങ്ങള്‍ നല്‍കിയിട്ടുണ്ട്​. ഒരാളെ, സമീപത്തെ ടാങ്കറാണ്​ രക്ഷപ്പെടുത്തിയത്​. കാറുകള്‍ ഉള്‍പ്പെടെയുള്ള ചരക്കുകളാണ്​ കപ്പലിലുള്ളത്​. ഇന്ത്യ, പാകിസ്ഥാന്‍, സുഡാന്‍, ഉഗാണ്ട, താന്‍സാനിയ, എത്യോപ്യ തുടങ്ങിയ രാജ്യങ്ങളില്‍ നിന്നുള്ളവരാണ് ജീവനക്കാര്‍. കാറുകള്‍ ഉള്‍പ്പെടെയുള്ള, ചരക്കുകളുമായി ഇറാഖിലെ ഉമ്മു ഖസറിലേക്ക് പോയതാണ് കപ്പല്‍.