മക്കളോടൊപ്പം സന്തോഷത്തോടെ ജീവിക്കാൻ ഗൾഫിൽ എത്തിയ ഉമ്മയെ കൊന്നു. മരുമകളുടെ മര്‍ദനമേറ്റ് മലയാളി വയോധിക മരിച്ചതായുള്ള വാർത്ത യുഎഇയെ ആകമാനം നടുക്കത്തിലാഴ്ത്തിയിരിക്കുകയാണ്. സൗദി അതിര്‍ത്തിപ്രദേശമായ ഗയാത്തിയിലാണ് സംഭവം നടന്നിരിക്കുന്നത്. എറണാകുളം ഏലൂര്‍ പടിയത്ത് വീട്ടില്‍ പരേതനായ മുഹമ്മദിന്റെ ഭാര്യ റൂബി മുഹമ്മദ് (63) ആണ് മർദ്ദനമേറ്റ് മരിച്ചത്. സംഭവത്തില്‍ മകന്‍ സഞ്ജുവിന്റെ ഭാര്യ കോട്ടയം പൊന്‍കുന്നം സ്വദേശിനി ഷജ്‌ന (23) യെ പോലീസ് അറസ്റ്റ് ചെയ്യുകയുണ്ടായി.

തിങ്കളാഴ്ച രാത്രിയാണ് സംഭവം നടന്നത്. ഗ​യാ​ത്തി അ​ൽ അ​ൻ​സാ​രി എ​ക്സ്ചേ​ഞ്ച് ജീ​വ​ന​ക്കാ​ര​നാ​യ റൂബിയുടെ മകന്‍ സഞ്ജു മുഹമ്മദ് കഴിഞ്ഞ ജനുവരിയിലാണ് വിവാഹിതനായത്. ഓണ്‍ലൈനിലൂടെയാണ് ഷജ്‌നയുമായുള്ള വിവാഹം നടന്നിരുന്നത്. ഇതേതുടര്‍ന്ന്, ഫെബ്രുവരി 15 ന് അമ്മയെയും ഭാര്യയയെും സന്ദര്‍ശക വിസയില്‍ ജോലിസ്ഥലത്തേയ്ക്ക് കൊണ്ടുവരികയായിരുന്നു. ഇവിടെ എത്തിയതിന് ശേഷമായിരുന്നു സഞ്ജു ഭാര്യയെ ആദ്യമായി കണ്ടത് പോലും.

സംഭവത്തെ കുറിച്ച് സഞ്ജു പറയുന്നത് ഇങ്ങനെ;

കഴിഞ്ഞ രണ്ട് ദിവസമായി റൂബിയും ഷജ്‌നയും തമ്മില്‍ ചില പ്രശ്‌നങ്ങള്‍ ഉണ്ടായിരുന്നതായാണ് വിവരം. റൂബി തന്നെയായിരുന്നു ഭക്ഷണം പാചകം ചെയ്തിരുന്നത്. തനിക്കും ഷജ്‌നയ്ക്കും ഉമ്മ ഭക്ഷണം വാരിത്തന്നിരുന്നു. ഭാര്യയ്ക്ക് അത് അത്ര ഇഷ്ടമായിരുന്നില്ല. തന്നെ പാചകം ചെയ്യാന്‍ അനുവദിക്കുന്നില്ലെന്നായിരുന്നു ഷജ്‌നയുടെ പരാതി.

രണ്ടു ദിവസമായി ഇരുവരും സംസാരിക്കാത്തത് സംബന്ധിച്ച് സഞ്ജു ചോദിക്കുന്നതിനിടെ പ്രകോപിതയായ ഷജ്‌ന റൂബിയെ ചവിട്ടി നിലത്തിട്ടു. ബഹളംകേട്ട് അയല്‍പക്കത്തുള്ളവര്‍ വാതിലില്‍ തട്ടിയപ്പോള്‍ സഞ്ജു മാറിയ സമയത്ത് റൂബിയുടെ മുടിയില്‍പിടിച്ച് ഷജ്‌ന തറയില്‍ അടിക്കുന്നതാണ് കണ്ടത്. കുറച്ചുകഴിയുമ്പോഴേക്കും അബോധാവസ്ഥയിലായി.

അതേസമയം പോലീസെത്തി മരണം സ്ഥിരീകരിച്ചതോടെ മൃതദേഹം ബദാസായിദ് ആശുപത്രിയിലേക്ക് മാറ്റയിരുന്നു. സഞ്ജുവിന്റെയും ഷജ്‌നയുടെയും രണ്ടാം വിവാഹമായിരുന്നു അത്.

ആദ്യ ഭര്‍ത്താവ് സ്ഥിരം മദ്യപാനിയായിരുന്നതിനാലാണ് വിവാഹമോചനം നേടിയതെന്നായിരുന്നു ഷജ്‌ന തന്നോട് നേരത്തെ പറഞ്ഞിരുന്നതെന്ന് സഞ്ജു വ്യക്തമാക്കുകയുണ്ടായി. സംഭവത്തില്‍ അബുദാബി പോലീസിന്റെ അന്വേഷണം തുടരുകയാണ്. റൂബിയുടെ മൃതദേഹം നാട്ടിലെത്തിക്കാനുള്ള നടപടികള്‍ ആരംഭിച്ചു. മകള്‍ സ്‌നേര.