ഗൾഫിൽ വച്ച് കോവിഡ് വ്യാപനത്തെ ചെറുക്കനും കൂടുതൽ വേഗത്തിൽ തന്നെ നിയന്ത്രണങ്ങൾ എടുത്തുമാറ്റാനും യുഎഇയ്ക്ക് സാധിച്ചു. ഇപ്പോഴിതാ മറ്റൊരു നേട്ടവും യുഎഇ കയ്യടക്കിയിരിക്കുകയാണ്. അതായത് കഴിഞ്ഞ 30 ദിവസത്തിനിടെ ഒരു കൊവിഡ് മരണം പോലും യുഎഇയില്‍ റിപ്പോര്‍ട്ട് ചെയ്തിട്ടില്ല. അങ്ങനെ ഇത് ആശ്വാസത്തിന്റെ ദിനങ്ങളാണ്. കഴിഞ്ഞ ദിവസം രാജ്യത്ത് ആകെ രേഖപ്പെടുത്തിയത് 215 പുതിയ കൊവിഡ് കേസുകള്‍ മാത്രമാണ്. ഇതാവട്ടെ ഈ വര്‍ഷത്തെ ഏറ്റവും കുറഞ്ഞ പ്രതിദിന എണ്ണവുമാണ് എന്നാണ് അധികൃതർ വ്യക്തമാക്കിയിട്ടുള്ളത്.

അതോടൊപ്പം തന്നെ മാര്‍ച്ച് ഏഴിനാണ് യുഎഇയില്‍ അവസാനമായി ഒരു കൊവിഡ് മരണം റിപ്പോര്‍ട്ട് ചെയ്യപ്പെട്ടത്. ഇതേതുടർന്ന് ഔദ്യോഗിക കണക്കുകള്‍ പ്രകാരം രാജ്യത്ത് ഇതുവരെ 8,92,929 കൊവിഡ് കേസുകള്‍ റിപ്പോര്‍ട്ട് ചെയ്യപ്പെടുകയുണ്ടായി. എന്നാൽ ഇതിൽ ജീവന്‍ നഷ്‍ടമായത് 2302 പേര്‍ക്കാണ്. 0.2 ശതമാനമാണ് യുഎഇയിലെ കൊവിഡ് മരണ നിരക്ക് രേഖപ്പെടുത്തിയിട്ടുള്ളത്. ആഗോള അടിസ്ഥാനത്തില്‍ തന്നെ കൊവിഡ് മരണനിരക്ക് ഏറ്റവും കുറഞ്ഞ രാജ്യങ്ങളുടെ പട്ടികയില്‍ മുന്‍പന്തിയിലാണ് യുഎഇ നിൽക്കുന്നത്.

പുതിയ രോഗികളുടെ എണ്ണം കുത്തനെ കുറയുകയാണ്. എന്നതിനൊപ്പം തന്നെ തുടര്‍ച്ചയായി കൊവിഡ് മരണങ്ങളില്ലാത്ത 30 ദിവസങ്ങള്‍ കൂടി രാജ്യം പിന്നിടുകയാണ്. ജനുവരിയില്‍ പ്രതിദിനം മൂവായിരത്തിലധികം കേസുകളുണ്ടായിരുന്ന സ്ഥാനത്ത് ഇപ്പോള്‍ ദിവസവും മുന്നൂറില്‍ താഴെ പുതിയ രോഗികൾ മാത്രം റിപ്പോർട്ട് ചെയ്യപ്പെടുന്നത്. കൊവിഡ് രോഗികളെ കണ്ടെത്താനുള്ള പരിശോധനകളാവട്ടെ കാര്യമായ രീതിയില്‍ കുറഞ്ഞിട്ടുമില്ല എന്നതും ഏവരെയും അമ്പരപ്പിക്കുന്നു.

അതേസമയം പ്രതിരോധ വാക്സിനുകള്‍ നല്‍കുന്ന കാര്യത്തില്‍ തന്നെ രാജ്യം കൈവരിച്ച നേട്ടം തന്നെയാണ് കൊവിഡിനെതിരായ പോരാട്ടത്തില്‍ യുഎഇയെ മുന്നിലെത്തിച്ചതെന്ന് ആരോഗ്യ രംഗത്തെ വിദഗ്ധരും ചൂണ്ടിക്കാണിക്കുന്നു. വാക്സിനെടുക്കാന്‍ യോഗ്യരായവരില്‍ തന്നെ 97 ശതമാനവും രണ്ട് ഡോസ് വാക്സിന്‍ സ്വീകരിച്ചു കഴിഞ്ഞിട്ടുമുണ്ട്. നിലവിൽ ബൂസ്റ്റര്‍ ഡോസുകളും നല്‍കിവരുകയാണ്.

വാക്സിനെടുത്തവരില്‍ സാധാരണ പനി പോലെ ലഘുവായ ലക്ഷണങ്ങള്‍ മാത്രം പ്രകടമാക്കി കൊവിഡ് വന്നു പോവുകയാണെന്ന് ഡോക്ടര്‍മാരും അറിയിക്കുകയുണ്ടായി. ആയതിനാൽ തന്നെ ഇപ്പോൾ കൊവിഡിന് മുമ്പുണ്ടായിരുന്ന സ്ഥിതിയിലേക്ക് അതിവേഗം മടങ്ങുകയാണ് യുഎഇ.