ആരാധകർ ഏവരും ഏറെ പ്രതീക്ഷയോടെ കാത്തിരുന്ന ചിത്രമാണ് ദളപതി വിജയ്‌യെ നായകനാക്കി നെല്‍സണ്‍ സംവിധാനം ചെയ്യുന്ന ബീസ്റ്റ്. ലോകമെമ്പാടുമുള്ള മലയാളികൾ പ്രതീക്ഷയോടെ കാത്തിരിക്കുന്ന ബീസ്റ്റ് വലിയ വിജയമാകുമെന്നാണ് ഏവരും പ്രതീക്ഷിക്കുന്നത്. അങ്ങനെ ചിത്രത്തിന്റെ റിലീസിന് ഒരാഴ്ച മാത്രം ബാക്കി നിൽക്കേ ബീസ്റ്റിന് കുവൈറ്റില്‍ വിലക്ക് ഏർപ്പെടുത്തിയതായുള്ള റിപ്പോർട്ടുകളാണ് വരുന്നത്. കുവൈത്തിന്റെ താൽപ്പര്യങ്ങൾക്ക് വിരുദ്ധമായ ഇസ്ലാമിക ഭീകരതയുടെ ദൃശ്യങ്ങൾ ബീസ്റ്റ് കാണിക്കുന്നതിനാലാണ് ചിത്രം നിരോധിക്കാൻ സർക്കാർ തീരുമാനിച്ചത് എന്നാണ് അറിയാൻ കഴിയുന്നത്.

അതേസമയം നേരത്തെ ദുൽഖർ സൽമാന്റെ കുറുപ്പ്, വിഷ്ണു വിശാലിന്റെ എഫ്‌ഐആർ എന്നിവ നിരോധിക്കുകയും ചെയ്തിട്ടുണ്ട്.

എന്നാൽ ഒരു ക്രിമിനൽ തങ്ങളുടെ രാജ്യത്ത് അഭയം പ്രാപിച്ചതായി കാണിച്ചതിനെത്തുടർന്നാണ് കുറുപ്പ് എന്ന ദുൽഖർ സൽമാൻ ചിത്രത്തിന് വിലക്ക് ഏർപ്പെടുത്തിയിരുന്നത്. എഫ്ഐആർ എന്ന ചിത്രത്തിൽ തീവ്രവാദത്തെക്കുറിച്ച് സംസാരിക്കുന്ന ചിത്രമാണ്. സാധാരണയായി അറബ് രാജ്യങ്ങളെ തീവ്രവാദികളുടെ അഭയസ്ഥാനമായി കാണിക്കുന്ന സിനിമകൾക്ക് കുവൈറ്റിൽ ക്ലീൻ ചിറ്റ് ലഭിക്കാറില്ല. അതുയതന്നെയാണ് ഇതിനും കാരണമായി പറയുന്നത്.

ബീസ്റ്റ് എന്നാൽ സിനിമയി വീര രാഘവന്‍ എന്ന ഇന്ത്യന്‍ ചാരന്റെ വേഷത്തിലാണ് വിജയ് എത്തുന്നത്. പൂജ ഹെഗ്‌ഡെയാണ് ചിത്രത്തിലെ നായിക. സെല്‍വരാഘവന്‍, യോഗി ബാബു, ഷൈന്‍ ടോം ചാക്കോ, വിടിവി ഗണേഷ്, അപര്‍ണ ദാസ്, ലില്ലിപുട്ട് ഫാറൂഖി, അങ്കുര്‍ അജിത് വികാല്‍, സതീഷ് കൃഷ്ണന്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുകയാണ്.

ശിവകാർത്തികേയന്റെ സൂപ്പർഹിറ്റ് ചിത്രം ഡോക്ടറിനു ശേഷം സംവിധായകൻ നെൽസൺ ദിലീപ്കുമാർ സംവിധാനം ചെയ്യുന്ന ചിത്രവും മാസ്റ്ററിന് ശേഷം വിജയ് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രവുമാണ് ബീസ്റ്റ് എന്നത് ചിത്രത്തിന്റെ മാറ്റ് കൂട്ടുകയാണ്. വിജയിയുടെ സിനിമാ കരിയറിലെ അറുപത്തിയഞ്ചാമത്തെ ചിത്രമാണ് ബീസ്റ്റ്. ആയതിനാൽ തന്നെ ദളപതി 65 എന്നാണ് ചിത്രം അറിയിപ്പെടുന്നത്. സണ്‍ പിക്ചേഴ്‍സ് ആണ് ചിത്രം നിര്‍മിക്കുന്നത്.

അനിരുദ്ധ് രവിചന്ദര്‍ ആണ് ചിത്രത്തിന്റെ സംഗീത സംവിധായകൻ. ഏപ്രില്‍ 13 ന് ചിത്രം റിലീസിനെത്തുകയാണ്. ലോകമെമ്പാടും ചിത്രം റിലീസ് ആകുമ്പോൾ കുവൈറ്റിലെ പ്രവാസികൾക്ക് ഇത് കനത്ത തിരിച്ചടിയാണ് നൽകുന്നത്.