ദുബായിൽ മലയാളി യുവതി ഹൃദയാഘാതം മൂലം അന്തരിച്ചു. അവധിയാഘോഷിക്കാൻ ഒരു മാസം മുൻപ് സന്ദർശക വീസയിൽ ദുബായിലെത്തിയതായിരുന്നു തിരുവനന്തപുരം ആറ്റിങ്ങൽ മണമ്പൂർ നീറുവിള തൊട്ടികല്ലിൽ സ്വദേശി അഭിലാഷ് ശ്രീകണ്ഠന്റെ ഭാര്യ പ്രിജി(38).

കഴിഞ്ഞ ദിവസം രാവിലെ ജബൽ അലി ഡിസ്കവറി ഗാർഡനിലെ ഫ്ലാറ്റിൽ വച്ചായിരുന്നു ഹൃദയാഘാതം ഉണ്ടായത്. ഉടൻ ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാൻ കഴിഞ്ഞിരുന്നില്ല.

മാർച്ച് 15നായിരുന്നു പ്രിജി നാട്ടിൽ നിന്ന് രണ്ട് മക്കളോടൊപ്പം ഭർത്താവിന് അരികിലെത്തിയിരുന്നത്. വലിയവിള കൊടുവാഴനൂർ പുളിമാത്ത് സ്വദേശി ശങ്കരൻ–ഗീത ദമ്പതികളുടെ മകളാണ്. നടപടികൾ പൂർത്തിയായാൽ ഉടൻ തന്നെ മൃതദേഹം നാട്ടിലേക്ക് കൊണ്ടുപോകും. ദുബായ് മണമ്പൂർ പ്രവാസി കൂട്ടായ്മയുടെ ട്രഷററാണ് അഭിലാഷ്.