തൊഴിൽ അന്വേഷകർക്ക് ഇത് വമ്പൻ അവസരം. ഏവരെയും സ്വാഗതം ചെയ്ത ദുബായ് സ‌ർക്കാരിന്റെ ഉടമസ്ഥതയിലുള‌ള എമിറേറ്റ്സ് വിമാനകമ്പനി. ഇപ്പോഴിതാ ലോകമാകെയുള‌ള 30 നഗരങ്ങളിലേക്ക് ജീവനക്കാരെ തേടുകയാണ്. ക്യാബിൻ ക്രൂവടക്കമുള‌ള ജീവനക്കാരുടെ നിയമനത്തിന് വേണ്ടി ആറാഴ്‌ച നീളുന്ന റിക്രൂട്‌മെന്റ് ഡ്രൈവാണ് കമ്പനി ഏവർക്കുമായി പ്രഖ്യാപിച്ചിരിക്കുന്നത്.

അതായത് ഓസ്‌ട്രേലിയ മുതൽ ബ്രിട്ടൺ വരെ സഞ്ചരിക്കുന്ന എമിറേ‌റ്റ്സ് ടീം ഇവിടങ്ങളിൽ ഉദ്യോഗാർദ്ധികളെ കാണുന്നതാണ്. നിരവധി യൂറോപ്യൻ നഗരങ്ങളിലും കെയ്‌റോ, ടുണീസ്യ, അൽജെയ്‌ഴ്‌സ്,ബഹ്‌റൈൻ എന്നിവിടങ്ങളിലും അഭിമുഖങ്ങൾ ഉണ്ടാകുകയും ചെയ്യും.

അപേക്ഷ സ്വീകരിക്കുന്ന നടപടികൾ പൂ‌ർത്തിയായ ശേഷം ഉദ്യോഗാർത്ഥികളെ നേരിൽ കണ്ട് അഭിമുഖം നടത്തി നിയമനത്തിലേക്ക് കടക്കുകയാണ് ലക്ഷ്യമെന്ന് എമിറേ‌റ്റ്സ് എച്ച് ആർ അധികൃതർ അറിയിക്കുകയുണ്ടായി. ഇതിനായി www.emiratesgroupcareers.com/cabin-crew/ എന്ന വിലാസത്തിൽ താൽപര്യമുള‌ളവർക്ക് അപേക്ഷകളയക്കാം.