പ്രവാസികൾക്ക് ഒരു സന്തോഷ വാർത്ത. യുഎഇയിലെ 12 കേന്ദ്രങ്ങളിൽ പാസ്‌പോർട്ട് സേവ ക്യാമ്പ് ഒരുക്കുകയാണ്. അടിയന്തിരമായ പാസ്‌പോർട്ട് പുതുക്കേണ്ടവർക്ക് ക്യാമ്പ് പ്രയോജനപ്പെടുത്താവുന്നതാണ്. ഈമാസം 26 ന് ഞാറാഴ്ചയാണ് ക്യാമ്പെന്ന് ദുബൈ ഇന്ത്യൻ കോൺസുലേറ്റ് അറിയിക്കുകയുണ്ടായി.

അതായത് ദുബൈ, ഷാർജ, അജ്മാൻ, ഉമ്മുൽഖുവൈൻ, റാസൽഖൈമ, ഫുജൈറ എന്നീ എമിറേറ്റുകളിലെ 12 ബി.എൽ.എസ് കേന്ദ്രങ്ങളിൽ ഈമാസം 26 ന് രാവിലെ ഒമ്പത് മുതൽ വൈകുന്നേരം ആറ് വരെയാണ് പാസ്‌പോർട്ട് സേവ ക്യാമ്പ് നടക്കുക.

ഇതിൽ അടിയന്തര ആവശ്യങ്ങൾക്കായി പാസ്‌പോർട്ട് പുതുക്കേണ്ടവർക്ക് പ്രത്യേകം അപ്പോയിന്റമെന്റ് ഇല്ലാതെ തന്നെ അപേക്ഷകൾ സമർപ്പിക്കാൻ സാധിക്കുന്നതാണ്. എന്നാൽ മറ്റുള്ളവർ മുൻകൂർ അപ്പോയിന്റ്‌മെന്റ് എടുക്കണം. തൽകാൽ പാസ്‌പോർട്ട് അപേക്ഷകർ, ചികിൽസ, മരണം തുടങ്ങിയ സാഹചര്യങ്ങളിൽ പാസ്‌പോർട്ട് പുതുക്കേണ്ടവർ, നവജാത ശിശുവിനുള്ള പാസ്‌പോർട്ട്, മുതിർന്ന പൗരൻമാരുടെ പാസ്‌പോർട്ട്, ഔട്ട്പാസ് തുടങ്ങിയ ആവശ്യങ്ങൾക്ക് ക്യാമ്പിൽ രേഖകളുമായി നേരിട്ട് എത്തി അപേക്ഷ നൽകാനും സാധിക്കുന്നതാണ്.

ദുബൈയിൽ അൽഖലീജ് സെന്റർ, ദേര സിറ്റി സെന്റർ, ബുർദുബൈ പ്രീമിയം ലോഞ്ച് സെന്റർ, ബനിയാസിലെ കെ എം സി സി സെന്റർ, ഷാർജയിൽ എച്ച് എസ് ബി സി ബാങ്ക് സെന്റർ, ഷാർജ ഇന്ത്യൻ അസോസിയേഷൻ, ഖൊർഫുക്കാനിലെ ഇന്ത്യൻ സോഷ്യൽ ക്ലബ്, അജ്മാനിലെ ഇന്ത്യൻ അസോസിയേഷൻ, ഉമ്മുൽഖുവൈൻ ദുബൈ ഇസ്ലാമിക് ബാങ്ക് കെട്ടിടത്തിലെ കേന്ദ്രം, റാസൽഖൈമയിലെ സ്‌പെഷ്യലിസ്റ്റ് മെഡിക്കൽ സെന്റററിന് പിന്നിൽ, റാസൽഖൈമ ഇന്ത്യൻ സ്‌കൂളിന് സമീപത്തെ ഇന്ത്യൻ റിലീഫ് കമ്മിറ്റി, ഫുജൈറിയിലെ ഇന്ത്യൻ സോഷ്യൽ ക്ലബ് എന്നിവിടങ്ങളിലാണ് പാസ്‌പോർട്ട് സേവ ക്യാമ്പിന് സൗകര്യമൊരുക്കിയിരിക്കുന്നത്.