ഒമാന്റെ വിവിധ ഗവർണറേറ്റുകളിൽ കനത്ത മഴ തുടരുന്നതായി റിപ്പോർട്ട്. അടുത്ത ദിവസങ്ങളിലും മഴ തുടരുമെന്ന് അധികൃതർ അറിയിച്ചിരിക്കുകയാണ്. അല്‍ ഹജര്‍ പര്‍വതനിരകൾ, വടക്കന്‍ ശര്‍ഖിയ, ബുറൈമി, ദാഹിറ, ദാഖിലിയ, തെക്കന്‍ ബാത്തിന, തെക്കന്‍ ശര്‍ഖിയ ഗവര്‍ണറേറ്റുകളിലെ വിവിധ പ്രദേശങ്ങളിലാണ് കനത്ത മഴ ലഭിച്ചിരിക്കുന്നത്. മഴ കൂടാതെ പല ഇടത്തും ശക്തമായ കാറ്റും ഇടിയും ഉണ്ടായിരുന്നു. പല സ്ഥലങ്ങളിൽ ആലിപ്പഴ വർഷം ഉണ്ടായതായി അറിയിച്ചു.

അതോടൊപ്പം തന്നെ മഴ കാരണം രാജ്യത്ത് ഒരിടത്തും അപകടങ്ങൾ ഒന്നും റിപ്പോർട്ട് ചെയ്തിട്ടില്ല. പല സ്ഥലങ്ങളിലും റോഡിൽ വെള്ളം കയറി ഗതാഗതം തടസ്സപ്പെടുകയുണ്ടായി. സിവിൽ ഡിഫൻസും റോയൽ ഒമാൻ പൊലീസും ശക്തമായ മുൻ കരുതൽ നടപടികളുമായി രംഗത്ത് എത്തുകയാണ്. കൂടാതെ ഒമാനിൽ ശക്തമായ മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയിരുന്നു. വരും ദിവസങ്ങളിൽ തെക്കന്‍ ശര്‍ഖിയ, മസ്‌കത്ത്, വടക്കന്‍ ശര്‍ഖിയ, അല്‍ വുസ്ത, വടക്കൻ ബാത്തിന, ബുറെമി, തെക്കൻ ബാത്തിന, ദാഹിറ ദാഖിലിയ ഗവര്‍ണറേറ്റുകളിലും മഴപെയ്യും എന്ന് കാലാവസ്ഥ നിരീക്ഷണ കേന്ദ്രം അറിയിക്കുകയുണ്ടായി.

ഇതുകൂടാതെ 20 മുതൽ 80 മില്ലി മീറ്റർ വരെ പല സ്ഥലങ്ങളിലും മഴ ലഭിക്കുന്നുമുണ്ട്. പല സ്ഥലങ്ങളിലേയും വാദികൾ നിറഞ്ഞു ഒഴുകി. മത്സ്യബന്ധനത്തിനായി കടലിൽ പോകരുതെന്ന് തൊഴിലാളികൾക്ക് നിർദേശം നൽകിയിരിക്കുകയാണ്. താഴ്ന്ന പ്രദേശങ്ങളിൽ പോകുന്നവർ ജാഗ്രത പാലിക്കേണ്ടതാണ്. 50 മുതൽ 80 കിലോമീറ്ററായിരിക്കും അടുത്ത ദിവസങ്ങളിൽ വീഴി അടിക്കാൻ പോകുന്ന കാറ്റിന്റെ വേഗത എന്നത്. ഇതോടൊപ്പം തന്നെ പെടികാറ്റ് ഉണ്ടായിരിക്കും. വാഹനം ഓടിക്കുന്നവർ ശക്തമായ മുൻ കരുതൽ നടപടികൾ സ്വീകരിക്കണം.