ഗൾഫ് രാഷ്ട്രങ്ങളിൽ ഏറിയ പങ്കും തൊഴിൽ ചെയ്തുവരുന്നത് നമ്മുടെ പ്രവാസികൾ തന്നെയാണ്. കണക്കുകൾ എടുത്തുനോക്കിയാൽ മലയാളികൾ തന്നെ. പറഞ്ഞുവന്നാൽ മലയാളികൾക്ക് ഏറെ പ്രിയങ്കരമായ രാജ്യമായിരുന്നു ഗൾഫ് എന്ന് തന്നെ പറയാം. അങ്ങനെ ഗൾഫ് രാജ്യങ്ങളിൽ പോയി ജോലി ചെയ്താണ് പല മലയാളികളും രക്ഷപ്പെട്ടത്. ഗൾഫിന്റെ വളർച്ചയിൽ മലയാളികൾക്കും ഒരു പങ്കുണ്ട്. എന്നാൽ ഇപ്പോൾ ഗൾഫ് രാജ്യങ്ങളോടുള്ള പ്രിയം മലയാളികൾക്ക് കുറയുന്നതായുള്ള റിപ്പോർട്ടുകളാണ് നിലവിൽ പുറത്ത് വരുന്നത്.

അതോടൊപ്പം തന്നെ വിദേശകാര്യ മന്ത്രാലയത്തിന്‍റെ കണക്ക് അനുസരിച്ച് ജിസിസി രാജ്യങ്ങളിലേക്ക് കേരളത്തിൽ നിന്ന് പോകുന്നവരുടെ എണ്ണം കുറഞ്ഞിരിക്കുന്നു. അതായത് എട്ടിലൊന്നായി ആണ് എണ്ണം കുറഞ്ഞിരിക്കുന്നത്. ഇതുകാരണം സംസ്ഥാനത്തേക്ക് എത്തുന്ന പണത്തിന്റെ അളവിലും വലിയ കുറവാണ് ഉണ്ടായിരിക്കുന്നത്. ഗൾഫ് സ്വദേശിവത്കരണവും കൊവി‍ഡ് മഹാമാരിയുടെ കടന്നുവരും ആണ് ഗൾഫ് രാജ്യങ്ങളിൽ നിന്നും ആളുകൾ നാട്ടിലേക്ക് കുടിയേറാൻ പ്രധാന കാരണം എന്നത്.

കൂടാതെ ഗൾഫ് എന്നത് ഒരു സ്വപ്ന ഭൂമിയായിരുന്നു മലയാളികൾക്ക്. 2016 ൽ ഇന്ത്യയിൽ നിന്ന് ജിസിസി രാജ്യങ്ങളിലേക്ക് ജോലിയ്ക്കും മറ്റുമായി പോയത് 7.6 ലക്ഷം പേർ ആണ് എന്നാണ് കണക്കുകൾ നിലവിൽ സൂചിപ്പിക്കുന്നത്. ഇതിൽ നല്ലെരു പങ്കും മലയാളികൾ തന്നെയാണ് ഉള്ളത്. എന്നാൽ 2022 എത്തിയപ്പോൾ കണക്കുകൾ കുറഞ്ഞതായാണ് വിലയിരുത്തപ്പെടുന്നത്. ഗൾഫിലേക്ക് പോയവരുടെ എണ്ണം 90,000 ആയി കുറഞ്ഞിട്ടുമുണ്ട്. ഗൾഫ് രാജ്യങ്ങളിൽ സർക്കാർ ജോലികളിൽ ഇരുന്ന പല വിദേശികളും ഉണ്ടായിരുന്നു. ഈ മേഖലകളിൽ എല്ലാം സ്വദേശിവത്കരണം സംഭവിച്ചത് വലിയ തിരിച്ചടിയായിരുന്നു വിദേശികൾക്ക്.

അങ്ങനെ ഗൾഫ് രാജ്യത്തിന് നിന്നും പ്രവാസി പണത്തിന്‍റെ 19 ശതമാനം കേരളത്തിലേക്ക് ആയിരുന്നു. എന്നാൽ 2020-21 ലേക്ക് എത്തിയപ്പോൾ ഇത് 10.2 ശതമാനമായി കുറയുകയാണ് ചെയ്തത്. സ്വദേശിവത്കരണത്തിന് പിന്നാലെ തന്നെ ഗൾഫ് രാജ്യത്ത് സാമ്പത്തിക മാന്ദ്യവും ഉണ്ടായിരുന്നു. പിന്നീട് കൊവിഡ് മഹാമാരി രാജ്യത്ത് വലിയ രീതിയിൽ പടർന്നു പിടിച്ചതോടെ നിരവധി പേർക്ക് തൊഴിൽ നഷ്ടമായിരിക്കുകയാണ്. കൂടാതെ ഗൾഫ് രാജ്യങ്ങൾ അല്ലാതെ അമേരിക്ക, ബ്രിട്ടൻ, സിങ്കപ്പൂർ തുടങ്ങിയ രാജ്യങ്ങളിലേക്ക് കുടിയേറ്റം മാറ്റിപിടിച്ചിരിക്കുകയാണ് മലയാളി ഇപ്പോൾ.

അഞ്ച് വർഷം മുൻപ് വരെ തന്നെ രാജ്യത്തേക്ക് എത്തുന്ന പ്രവാസി പണത്തിന്‍റെ 50 ശതമാനവും കേരളത്തിലേക്ക് ആയിരുന്നു . എന്നാൽ നിലവിൽ അങ്ങനെ അല്ല. കേരളത്തിന്‍റെ സ്ഥാനത്ത് ഇപ്പോൾ മഹരാഷ്ട്ര ആണ് മുന്നിൽ ഉള്ളത്. ഗൾഫിലേക്ക് ജോലിയ്ക്കായി ഒറ്റക്കാണ് മലയാളികൾ ആദ്യക്കാലത്ത് പോയിരുന്നെങ്കിൽ തന്നെ ഇപ്പോൾ യുറോപ്യൻ രാജ്യങ്ങളിലേക്ക് കുടുംബവുമായാണ് കുടിയേറ്റം. ഇതും പ്രവാസി പണത്തിന്‍റെ അളവ് കുറക്കാൻ വലിയ കാരണമായി മാറിയിട്ടുണ്ട്.