കൊലപാതകദൃശ്യം സമൂഹമാധ്യമങ്ങളിലൂടെ പ്രചരിപ്പിച്ച സംഭവത്തിൽ അറബ് വംശജനെ ഷാർജ പോലീസ് കയ്യോടെ അറസ്റ്റ് ചെയ്തു. കെട്ടിടത്തിലെ സി.സി ടി.വി കാമറയിൽ പതിഞ്ഞ ദൃശ്യങ്ങളാണ് അദ്ദേഹം സോഷ്യൽ മീഡിയയിൽ പ്രചരിപ്പിച്ചിരുന്നത്. ജൂൺ 24ന് നടന്ന കൊലപാതകത്തിന്‍റെ ദൃശ്യങ്ങളാണ് ഇദ്ദേഹം വ്യാപകമായി പ്രചരിപ്പിച്ചിരിക്കുന്നത്. കാറിൽ യുവതിയെ ഒരാൾ കുത്തിക്കൊലപ്പെടുത്തുന്നതിന്റെ ദൃശ്യങ്ങൾ ആണ് പ്രചരിപ്പിച്ചത്. സംഭവത്തിൽ പ്രതിയായ അറബ് വംശജനെ പോലീസ് അറസ്റ്റ് ചെയ്തു. രണ്ട് മണിക്കൂറിനുള്ളിൽ ആണ് പോലീസ് പ്രതിയെ പിടിക്കൂടിയത്.

അതേസമയം കാറിനുള്ളിൽ വെച്ച് യുവതിയെ പലതവണ കുത്തുന്നതിന്റെ ദൃശ്യങ്ങൾ ആണ് ഇയാൾ പുറത്തുവിട്ടിരിക്കുന്നത്. ഇത്തരം ദൃശ്യങ്ങൾ ഇരകളുടെ കുടുംബം കണ്ടാൽ അവർക്ക് അത് വലിയ ആഘാതമാണ് ഉണക്കുക. കുടുംബാംഗങ്ങളെ വിഷമത്തിലാക്കുന്ന ഇത്തരം ദൃശ്യങ്ങൾ പുറത്തുവിടുന്നതിനേ പോലീസ് പ്രോത്സാഹിപ്പിക്കില്ലെന്ന് അധികൃതർ അറിയിക്കുകയുണ്ടായി. ഷാർജ പൊലീസിലെ ക്രിമിനൽ ഇൻവെസ്റ്റിഗേഷൻ വിഭാഗം ഡെപ്യൂട്ടി ഡയറക്ടർ കേണൽ ഫൈസൽ ബിൻ നാസർ ആണ് ഇക്കാര്യം വ്യക്തമാക്കിയത്. ഒരു പ്രമുഖ മാധ്യമം ആണ് വാർത്ത റിപ്പോർട്ട് ചെയ്യുന്നത്.

കൂടാതെ ദൃശ്യങ്ങൾ ആളുകൾ കാണുന്നതും രാജ്യത്തിന്റെ സുരക്ഷയും സ്വകാര്യതയും ബാധിക്കുന്ന ഇത്തരം ദൃശ്യങ്ങളും വിവരങ്ങളും സമൂഹമാധ്യമങ്ങളിലൂടെ പ്രചരിപ്പിക്കുന്നത് നിയമവിരുദ്ധമാണെന്ന് അധികൃതർ അറിയിക്കുകയുണ്ടായി. സി.സി ടി.വി കാമറകൾ ആളുകളുടെ സുരക്ഷയെ കരുതി വെക്കുന്ന ഒന്നാണ്. അതിലെ വിവരങ്ങൾ പുറത്തുവിടുന്നതിനോട് യോജിക്കുന്നില്ലെന്ന് പോലീസ് അറിയിക്കുകയുണ്ടായി. സി.സി ടി.വി ദൃശ്യങ്ങൾ പ്രചരിപ്പിക്കാനുള്ളതല്ല അതിൽ എന്തെങ്കിലും സംശയാസ്പദ സംഭവങ്ങൾ കണ്ടാൽ ഉടൻ 901 എന്ന നമ്പറിൽ അറിയിക്കമെന്ന് അദ്ദേഹം വ്യക്തമാക്കുകയുണ്ടായി.