മക്കയിലെ ക്ലോക്ക് ടവറിന് മുകളില് മിന്നല്പ്പിണർ; ചിത്രങ്ങള് സാമൂഹിക മാധ്യമങ്ങളില് വൈറലാകുന്നു
മക്കയിലെ ക്ലോക്ക് ടവറിന് മുകളില് മിന്നല്പ്പിണറുണ്ടായതിന്റെ വിഡിയോയും ചിത്രങ്ങളും സാമൂഹിക മാധ്യമങ്ങളില് വൈറലായി മാറുകയാണ്. വ്യാഴാഴ്ച വൈകിട്ടാണ് സംഭവം നടന്നിരിക്കുന്നത്. സൗദി ഫോട്ടോഗ്രാഫര് യാസര് ബക്ഷ് ആണ് ഈ ചിത്രങ്ങള് പകര്ത്തിയത്.
ഹറം മുറ്റത്തെ ക്ലോക്ക് ടവറിന് മുകളിലുണ്ടായ മിന്നലിന്റെ മനോഹരമായ ചിത്രമാണ് അദ്ദേഹം പകര്ത്തിയിരിക്കുന്നത്. 2014 മുതല് ഫോട്ടോ ജേര്ണലിസ്റ്റാണ് യാസര്. സൗദി പ്രഫഷണല് ലീഗിന്റെ അംഗീകാരമുള്ള ഫോട്ടോഗ്രാഫര് കൂടിയാണ് ഇദ്ദേഹം. ദേശീയ മാധ്യമ പുരസ്കാരത്തിനും അദ്ദേഹം അര്ഹനായിട്ടുമുണ്ട്.
അതേസമയം സൗദി അറേബ്യയുടെ ചില ഭാഗങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നും ജാഗ്രത പാലിക്കണമെന്നും ജനറല് ഡയറക്ടറേറ്റ് ഓഫ് സിവില് ഡിഫന്സ് മുന്നറിയിപ്പ് നൽകി. അടുത്ത വെള്ളിയാഴ്ച വരെ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് അറിയിപ്പ് നൽകി.
അതോടൊപ്പം തന്നെ അസീര്, അല്ബാഹ, നജ്റാന്, ജിസാന്, മക്ക, മദീന, ഹായില്, തബൂക്ക് മേഖലകളില് നേരിയതോ ശക്തമോ ആയ മഴയും കാറ്റും ഉണ്ടായേക്കുമെന്നാണ് ഡയറക്ടറേറ്റ് അറിയിച്ചിരിക്കുന്നത്. ചിലയിടങ്ങളില് ശക്തമായ പൊടിക്കാറ്റും പ്രതീക്ഷിക്കുകയാണ് ചെയ്യുന്നത്.
https://www.facebook.com/Malayalivartha
