കഴിഞ്ഞ കുറച്ച് ദിവസങ്ങളായി വിമാന ടിക്കറ്റിൽ വലിയ വർധനവ് കാരണം ചെറിയ പെെസക്ക് ജോലി ചെയ്യുന്ന ഒരുപാട് പ്രവാസികൾ നാട്ടിൽ പോകാൻ സാധിക്കാതെ ഇരിക്കുകയായിരുന്നു. എന്നാൽ ഇതാ പ്രവാസികൾക്ക് എയർ ഇന്ത്യയുടെ സന്തോഷ വാർത്ത എത്തിയിരിക്കുകയാണ്. സ്വാതന്ത്ര്യദിനം പ്രമാണിച്ച് എയർ ഇന്ത്യ യുഎഇയിൽ നിന്ന് കേരളത്തിലെ ഉൾപ്പെടെ ഇന്ത്യയിലെ വിവിധ നഗരങ്ങളിലേക്കുള്ള ടിക്കറ്റ് നിരക്കു കുറയ്ക്കുകയുണ്ടായി. 330 ദിർഹത്തിന് ദുബായിൽ നിന്നും കേരളത്തിൽ എത്താൻ സാധിക്കുന്നതായിരിക്കും.

‘വൺ ഇന്ത്യ, വൺ ഫെയർ’ എന്ന പേരിൽ ആണ് ഇതിന്റെ ഭാഗമായിട്ട് കാംമ്പെയ്ൻ നടക്കുകയാണ്. നിരക്ക് കുറക്കാനും ഇത് തന്നെയാണ് കാരണമായി പറയുന്നത്. 330 ദിർഹത്തിന് ദുബായിൽ നിന്നും വരാൻ സാധിക്കുന്ന നഗരങ്ങൾ ഇതാണ്. കൊച്ചി, കോഴിക്കോട്, ചെന്നൈ,ബെംഗളൂരു, മുംബൈ, ഗോവ, ഇൻഡോർ, ഹൈദരബാദ്, എന്നീ നഗരങ്ങളിലേക്കാണ് ചെറിയ പെെസക്ക് ദുബായിൽ നിന്നും വരാൻ സാധിക്കുന്നത്. കൂടാതെ ഷാർജയിൽ നിന്നും കോഴിക്കോട്ടേക്കും അബുദാബിയിൽ നിന്നും മുംബൈയിലേക്കും ഈ നിരക്ക് തന്നെയാണ് എയർ ഇന്ത്യ ഈടാക്കി വരുന്നത്.

അതോടൊപ്പം തന്നെ ഈ മാസം 21 മുതൽ നിരക്ക് കുറഞ്ഞ ടിക്കറ്റുകൾ ലഭിക്കുന്നതാണ്. ഒക്ടോബർ 15 വരെ യാത്ര ചെയ്യാൻ സാധക്കുന്ന തരത്തിലാണ് ടിക്കറ്റ് നിരക്ക് കുറച്ചിരിക്കുന്നത്. കൊണ്ടു പോകാൻ സാധിക്കുന്ന ബാഗേജ് അലവൻസ് 35 കിലോ ആണ് ഉള്ളത്. നേരിട്ട് പോകുന്ന വിമാനങ്ങൾക്ക് മാത്രമേ ഈ നിരക്ക് ബാധകമാകുകയുള്ളു എന്ന് അധികൃതർ അറിയിക്കുകയുണ്ടായി.

അതേസമയം ദുബായിലേക്ക് അല്ലാതെ മറ്റു നഗരങ്ങളിലേക്കും കുറഞ്ഞ നിരക്കിൽ വൺ ഇന്ത്യ, വൺ ഫെയർ’ സേവനം ഉണ്ടെന്ന് എയർ ഇന്ത്യ അറിയിക്കുകയുണ്ടായി. സൗദി, ഖത്തർ, ഒമാൻ, കുവെെറ്റ്, ബഹ്റെെൻ എന്നീ രാജ്യങ്ങളിലേക്കാണ് കുറഞ്ഞ നിരക്കിൽ സർവീസുകൾ ആരംഭിക്കാൻ എയർ ഇന്ത്യ പദ്ധതിയിട്ടിരിക്കുന്നത്. ഒമാനിൽ നിന്നും 36.1 റിയാൽ, സൗദിയിൽ നിന്നും 500 റിയാൽ, ഖത്തറിൽ നിന്നും 499 റിയാൽ, , ബഹ്റൈനിൽ നിന്നും 60.3 ദിർഹം, കുവൈറ്റിൽ നിന്നും 36.65 ദിനാർ എന്നിങ്ങനെയാണ് നിരക്ക് ഈടാക്കുന്നത്. കൂടുതൽ വിവരങ്ങൾക്ക് www.airindia.in. എന്ന വെബ്‌സൈറ്റ് സന്ദർശിക്കുക.