അസ്ഥിര കാലാവസ്ഥ തുടരുന്നു; ഒമാനിലെ ദോഫാർ മേഖലയിൽ പൊടിക്കാറ്റ് ശക്തം, ദൂരക്കാഴ്ച കുറവായതിനാൽ വാഹനയാത്രക്കാർ ജാഗ്രത പുലർത്തണമെന്നു മുന്നറിയിപ്പ് നൽകി പൊലീസ്
അസ്ഥിര കാലാവസ്ഥ തുടരുന്ന ഒമാനിൽ ജാഗ്രത. ദോഫാർ മേഖലയിൽ ശക്തമായ പൊടിക്കാറ്റ് തുടരുന്നു. ആദം-ഹൈമ-തുംറൈത് റോഡിൽ ദൂരക്കാഴ്ച കുറവായതിനാൽ തന്നെ വാഹനയാത്രക്കാർ ജാഗ്രത പുലർത്തണമെന്നു പൊലീസ് മുന്നറിയിപ്പ് നൽകിയിട്ടുണ്ട്. കൂടുതൽ പട്രോളിങ് സംഘങ്ങളെ നിയോഗിക്കുകയുണ്ടായി.
വാഹനങ്ങൾ അമിതവേഗം ഒഴിവാക്കുകയും മതിയായ അകലം പാലിക്കുകയും വേണം എന്നാണ് അധികൃതർ അറിയിച്ചത്. വാഹനങ്ങൾ യഥാസമയം അറ്റകുറ്റപ്പണി നടത്താത്തതും അപകടകാരണമാകുന്നതായി ചൂണ്ടിക്കാട്ടിയിട്ടുമുണ്ട്.
അതേസമയം, തെക്കൻ ഷർഖിയ, വടക്കൻ ഷർഖിയ, അൽ വുസ്ത, അൽ ദാഖ് ലിയ, തെക്കൻ ബാത്തിന, അൽ ദാഹിറ ഗവർണറേറ്റുകളിലെ വിവിധ ഭാഗങ്ങളിൽ ശക്തമായ കാറ്റിനും മഴയ്ക്കും സാധ്യതയുണ്ടെന്നു ദേശീയ കാലാവസ്ഥാ നിരീക്ഷണകേന്ദ്രം അറിയിക്കുകയുണ്ടായി.
https://www.facebook.com/Malayalivartha