സൗദിയിൽ നിന്ന് റീ-എന്ട്രി വിസ എടുത്ത് പുറത്തുപോയവർ ശ്രദ്ധിക്കണം; നിശ്ചിത കാലാവധിക്കുള്ളില് തിരിച്ചു വന്നില്ലെങ്കിൽ മൂന്നുവര്ഷ പ്രവേശന വിലക്കുണ്ടെന്ന് സൗദി ജവാസത്ത്, റീ-എന്ട്രി വിസയുടെ കാലാവധി അവസാനിച്ച തീയതി മുതല് മൂന്ന് വര്ഷത്തേക്ക് വിലക്ക്
സൗദിയിൽ നിന്ന് റീ-എന്ട്രി വിസ എടുത്ത് പുറത്തുപോയവർ നിശ്ചിത കാലാവധിക്കുള്ളില് തിരിച്ചു വന്നില്ലെങ്കിൽ മൂന്നുവര്ഷ പ്രവേശന വിലക്കുണ്ടെന്ന് വ്യക്തമാക്കി സൗദി അറേബ്യ രംഗത്ത്. ഹിജ്റ കലണ്ടര് പ്രകാരമായിരിക്കും തിരിച്ച് വരുന്നതിനുള്ള തിയതി കണക്കാക്കുന്നത്. പാസ്പോര്ട്ട് ഡയറക്ടറേറ്റ് (ജവാസത്ത്) ആണ് ഇക്കാര്യം അറിയിച്ചിരിക്കുന്നത്. റീ-എന്ട്രി വിസയുടെ കാലാവധി അവസാനിച്ച തീയതി മുതല് മൂന്ന് വര്ഷത്തേക്കാണ് പ്രവേശന വിലക്ക് ഏർപ്പെടുത്തുക.
അതോടൊപ്പം തന്നെ വിലക്ക് കിട്ടിയവർക്ക് പുതിയ തൊഴിൽ വിസയിൽ സൗദിയിൽ എത്തണം എങ്കിൽ മൂന്നുവര്ഷം കഴിയണം. എന്നാൽ പഴയ തൊഴിൽ ഉടമയുടെ അടുത്ത് ജോലിക്ക് പോകാൻ തയ്യാറെടുക്കുന്നവർക്ക് പുതിയ വിസയില് വീണ്ടും രാജ്യത്ത് പ്രവേശിക്കാന് മൂന്നു വര്ഷ വിലക്ക് ബാധകമല്ല എന്നതും ശ്രദ്ധിക്കണം. എന്നാൽ തൊഴിലാളിയെ സ്വീകരിക്കാന് സ്പോണ്സര് എയര്പോര്ട്ടിലെത്തണമെന്ന് മാത്രം.
https://www.facebook.com/Malayalivartha