റിയാദിനു സമീപം വിമാനം തകർന്നു വീണു പൈലറ്റ് മരിച്ചതായി റിപ്പോർട്ട്. റിയാദിനു വടക്ക് അൽ തുമാമ വിമാനത്താവളത്തിൽ നിന്നു പറന്നുയർന്ന ചെറു വിമാനമാണ് ഇന്ന് (ചൊവ്വ) രാവിലെ അപകടത്തിൽപ്പെട്ടതായി വിവരം ലഭിച്ചത്. ഏവിയേഷൻ ഇൻവെസ്റ്റിഗേഷൻ ഓഫിസ് ആണ് വിവരം അറിയിച്ചത്.വിമാനത്തിൽ പൈലറ്റ് മാത്രമാണുണ്ടായിരുന്നതെന്ന് അധികൃതർ വ്യക്തമാക്കി. അപകടത്തിന്റെ സാഹചര്യങ്ങളും കാരണങ്ങളും കണ്ടെത്തുന്നതിന് അന്വേഷണം നടത്താൻ സംഘത്തെ അയച്ചതായി ബ്യൂറോ ഓഫ് ഇൻവെസ്റ്റിഗേഷൻ അറിയിക്കുകയുണ്ടായി.