വാഹനങ്ങളിൽ കുട്ടികളുടെ സുരക്ഷ ഉറപ്പുവരുത്തണമെന്നു മുന്നറിയിപ്പുമായി അബുദാബി പൊലീസ് രംഗത്ത്. 10 വയസ്സിൽ താഴെയുള്ള കുട്ടികൾക്കു കാറിൽ ചൈൽഡ് സീറ്റ് ഉണ്ടാകണം. കുട്ടികളെ വാഹനത്തിൽ ഒറ്റയ്ക്കാക്കി പോകുകയുമരുത് എന്നും നിർദ്ദേശത്തിൽ വ്യക്തമാക്കിയിരിക്കുകയാണ്.

അതോടൊപ്പം തന്നെ നിയമലംഘനം പിടികൂടാൻ നിരീക്ഷണം ശക്തമാക്കിയെന്ന് അബുദാബി പൊലീസ് ഡയറക്ടർ ബ്രിഗേഡിയർ ജനറൽ മുഹമ്മദ് ധാനി അൽ ഹമീരി വ്യക്തമാക്കി. കുട്ടികളെ മുൻസീറ്റിലിരുത്തി വാഹനമോടിക്കുന്നതു ഗുരുതര കുറ്റമാണ് എന്നതാണ്. 400 ദിർഹം പിഴയ്ക്കു പുറമേ ഡ്രൈവറുടെ ലൈസൻസിൽ 4 ബ്ലാക് പോയിന്റ് പതിയും. സീറ്റ് ബെൽറ്റുകൾ 40 മുതൽ 60% വരെ സുരക്ഷ ഉറപ്പാക്കുമെന്നാണു പഠനറിപ്പോർട്ട് ചൂണ്ടിക്കാണിക്കുന്നു.

കൂടാതെ കുട്ടികളെ മുൻസീറ്റിലിരുത്തി യാത്ര ചെയ്യുമ്പോൾ അപകടമുണ്ടായാൽ 10 നിലയുള്ള കെട്ടിടത്തിൽ നിന്നു വീഴുന്നതിനു സമാനമായ ആഘാതമാണ് അവർക്കുണ്ടാകുക. മുൻസീറ്റിലായാലും പിൻസീറ്റിലായാലും യാത്രക്കാർ സീറ്റ് ബെൽറ്റിടണമെന്നാണു നിയമം അനുശാസിക്കുന്നത്.