പ്രവാസികളുടെ ശ്രദ്ധയ്ക്ക്.... ഒ​മാ​ൻ സെ​ൻ​ട്ര​ൽ ബാ​ങ്കി​ൽ നി​ന്നാ​ണെ​ന്ന തരത്തിൽ ഒരു വ്യാജ സന്ദേശം വ്യാപകമായി പ്രചരിക്കുന്നുണ്ട്. ഇത്തരം മേസേജുകൾ അവ​ഗണിക്കണമെന്ന് ബാ​ങ്ക് അധികൃതർ അറിയിപ്പ് നൽകിയിരിക്കുകയാണ്.

'പ്രി​യ​പ്പെ​ട്ട ഉ​പ​ഭോ​ക്താ​വേ, ഒ​മാ​ൻ ഐ.​ഡി അ​പ്​​ഡേ​റ്റ്​ ചെ​യ്യാ​ത്ത​തി​നാ​ൽ നി​ങ്ങ​ളു​ടെ എ.​ടി.​എം കാ​ർ​ഡ്​ ബ്ലോ​ക്ക്​ ആ​ക്കി​യി​രി​ക്കു​ക​യാ​ണ്. എ.​ടി.​എം കാ​ർ​ഡ്​ തു​ട​ർ​ന്നും ഉ​പ​യോ​ഗി​ക്കു​ന്ന​തി​ന്​ താ​ഴെ കാ​ണു​ന്ന ന​മ്പ​റി​ൽ വി​ളി​ക്കു​ക'- ഒ​മാ​ൻ സെ​ൻ​ട്ര​ൽ ബാ​ങ്കി​ൽ നി​ന്നാ​ണെ​ന്ന മ​ട്ടി​ൽ ഇ​ത്ത​ര​മൊ​രു സ​ന്ദേ​ശം മൊ​ബൈ​ലി​ൽ വ​ന്നാ​ൽ സൂ​ക്ഷി​ക്കു​ക; ശു​ദ്ധ ത​ട്ടി​പ്പാ​ണ്. ചെ​റി​യൊ​രു ഇ​ട​വേ​ള​ക്കു​ശേ​ഷം ബാ​ങ്കി​ൽ നി​ന്നെ​ന്ന വ്യാ​ജേ​ന​യു​ള്ള ത​ട്ടി​പ്പു​കാ​രു​ടെ സ​ന്ദേ​ശം വീ​ണ്ടു​മെ​ത്തി തു​ട​ങ്ങി. എ.​ടി.​എം കാ​ർ​ഡ്​ ​ബ്ലോ​ക്കാ​ണെ​ന്നും താ​ഴെ കൊ​ടു​ത്തി​രി​ക്കു​ന്ന ന​മ്പ​റി​ൽ വി​ളി​ച്ച്​ ത​ക​രാ​ർ പ​രി​ഹ​രി​ക്കൂ എ​ന്നാ​ണ്​ സ​ന്ദേ​ശം വ​രു​ക...'

ഇ​ത്ത​രം മെ​സേ​ജ്​ കി​ട്ടു​ന്ന​വ​ർ ബാ​ങ്കി​ൽ നേ​രി​ട്ട്​ ചെ​ന്ന്​ അ​ന്വേ​ഷി​ച്ച​പ്പോ​ൾ അ​ത്​ വ്യാ​ജ​മാ​ണെ​ന്നും ബാ​ങ്ക് ഇ​ത്ത​രം മെ​സേ​ജു​ക​ള്‍ അ​യ​ക്കി​ല്ലെ​ന്നു​മാ​ണ്​ അ​ധി​കൃ​ത​ർ വ്യ​ക്ത​മാ​ക്കിയിരിക്കുന്നത്. ആ ​ന​മ്പ​റി​ലേ​ക്ക്​ തി​രി​ച്ച് വി​ളി​ക്കു​ക​യോ മെ​സേ​ജു​ക​ളോ​ട് പ്ര​തി​ക​രി​ക്കു​ക​യോ ചെ​യ്യ​രു​ത് എ​ന്ന മു​ന്ന​റി​യി​പ്പും അ​ധി​കൃ​ത​ർ ന​ൽ​കു​കയാണ്. പ്ര​തി​ക​രി​ച്ചാ​ലു​ണ്ടാ​യ ന​ഷ്ട​ങ്ങ​ൾ​ക്ക്​ ബാ​ങ്കു​ക​ൾ ഉ​ത്ത​ര​വാ​ദി​യ​ല്ലെ​ന്നും പ​ര​മാ​വ​ധി ജാ​ഗ്ര​ത പാ​ലി​ക്ക​ണ​മെ​ന്നും അ​ധി​കൃ​ത​ർ വ്യക്തമാക്കി. വ്യ​ക്തി​ഗ​ത ര​ഹ​സ്യ​വി​വ​ര​ങ്ങ​ൾ ആ​ർ​ക്കും കൈ​മാ​റ​രു​ത്. ത​ട്ടി​പ്പി​നി​ര​യാ​യെ​ന്ന് ബോ​ധ്യ​പ്പെ​ട്ടാ​ൽ തന്നെ ആ​ദ്യം ബാ​ങ്കി​നെ അ​റി​യി​ച്ച് അ​ക്കൗ​ണ്ടും ക്രെ​ഡി​റ്റ് കാ​ർ​ഡും മ​ര​വി​പ്പി​ക്കു​ക​യോ റ​ദ്ദാ​ക്കു​ക​യോ ചെ​യ്യ​ണം. അ​ല്ലെ​ങ്കി​ൽ നേ​രി​ട്ട് ശാ​ഖ​യി​ലെ​ത്തി വി​വ​ര​ങ്ങ​ൾ പു​തു​ക്ക​ണ​മെ​ന്നും അ​ധി​കൃ​ത​ർ അ​റി​യി​ക്കുകയുണ്ടായി.

അ​തേ​സ​മ​യം, അ​ധി​കൃ​ത​ർ പ​ല​യാ​വ​ർ​ത്തി മു​ന്ന​റി​യി​പ്പ്​ ന​ൽ​കി​യി​ട്ടും മ​ല​യാ​ളി​ക​ള​ട​ക്ക​മു​ള്ള​വ​ർ ത​ട്ടി​പ്പി​ന്​ ഇ​ര​യാ​കാ​റുമു​ണ്ട്. വ​രു​ന്ന മെ​സേ​ജ്​ കൃ​ത്യ​മാ​യി മ​ന​സ്സി​ലാ​ക്കാ​തെ​യാ​ണ്​ പ​ല​രും ത​ട്ടി​പ്പി​ന്​ ഇ​ര​യാ​കു​ന്ന​ത് തന്നെ. ക​ഴി​ഞ്ഞ ദി​വ​സം ഒ​മാ​ൻ സെ​ൻ​ട്ര​ൽ ബാ​ങ്കി​ൽ നി​ന്നെ​ന്ന വ്യാ​ജേ​ന വ​ന്ന മെ​സേ​ജി​ൽ സു​ൽ​ത്താ​നേ​റ്റ്​ ഓ​ഫ്​ ഒ​മാ​ൻ എ​ന്ന​ത്​ 'സോ​ൾ​ട്ട്​​നാ​റ്റ്​ ഓ​ഫ്​ ഒ​മാ​ൻ'(Saltnat of Oman) എ​ന്നാ​ണ്​ എ​ഴു​തി​യി​രി​ക്കു​ന്ന​ത്.

കൂടാതെ ഇ​ത്ത​രം പ്ര​ക​ട​മാ​യ തെ​റ്റു​പോ​ലും തി​രി​ച്ച​റി​യാ​നാ​കാ​തെ നി​ര​വ​ധി പേ​ർ ത​ട്ടി​പ്പി​ന്​ ഇ​ര​യാ​കാ​റു​മുണ്ട്. പ​ല തരത്തിലുള്ള തട്ടിപ്പ് രീ​തി​ക​ളാ​ണ് ത​ട്ടി​പ്പ് സം​ഘ​ങ്ങ​ള്‍ ഉ​പ​യോ​ഗി​ച്ച് വ​രാ​റു​ള്ള​ത്. മ​സ്ക​ത്ത്​ ബാ​ങ്കി​ന്‍റെ പേ​രി​ലും പ​ര്‍ച്ചേ​സ് ചെ​യ്ത വ​ക​യി​ലും ന​റു​ക്കെ​ടു​പ്പി​ലും കോ​ണ്ട​സ്റ്റി​ലും സ​മ്മാ​നം ല​ഭി​ച്ചു​വെ​ന്ന പേ​രി​ലു​മൊ​ക്കെ വ​രു​ന്ന മെ​സേ​ജു​ക​ളോ​ട് അ​റി​യാ​തെ പ്ര​തി​ക​രി​ച്ച് പോ​യാ​ല്‍ തന്നെ സാ​മ്പ​ത്തി​ക ന​ഷ്ട​മാ​ണ് ഉ​ണ്ടാ​കു​ക. എ​സ്.​എം.​എ​സ്, വാ​ട്‌​സ്ആ​പ് സ​ന്ദേ​ശ​ങ്ങ​ളു​പ​യോ​ഗി​ച്ചു​ള്ള ത​ട്ടി​പ്പു​ക​ൾ​ക്ക് പു​റ​മെ നേ​രി​ട്ട് ഫോ​ണി​ൽ വി​ളി​ച്ച് വി​വ​ര​ങ്ങ​ൾ കൈ​വ​ശ​പ്പെ​ടു​ത്തി​യും പ​ണം അ​പ​ഹ​രി​ക്കു​ന്നതും പതിവാണ്.

അങ്ങനെ മ​ല​യാ​ളി​ക​ള​ട​ക്കം ഒ​ട്ടേ​റേ പേ​ർ​ക്ക് ദി​വ​സ​വും ഇ​ത്ത​ര​ത്തി​ലു​ള്ള വ്യാ​ജ സ​ന്ദേ​ശ​വും ഫോ​ൺ വി​ളി​ക​ളും ല​ഭി​ക്കു​ന്നു​ണ്ട് എന്നും റിപ്പോർട്ടുകളുണ്ട്. ച​തി​യി​ൽ​പ്പെ​ട്ട​വ​ർ പു​റ​ത്തു​പ​റ​യു​ക​യോ പ​രാ​തി​പ്പെ​ടു​ക​യോ ചെ​യ്യാ​ത്ത​തി​നാ​ൽ ഇ​ര​ക​ളു​ടെ എ​ണ്ണ​വും കൂ​ടി വ​രു​ക​യാ​ണ്. ബാ​ങ്കു​ക​ളു​ടെ​യും ടെ​ലി​ഫോ​ൺ ക​മ്പ​നി​ക​ളു​ടെ​യും ഹൈ​പ്പ​ർ മാ​ർ​ക്ക​റ്റു​ക​ളു​ടെ​യും പേ​രി​ൽ ത​ന്നെ​യാ​ണ് വ്യാ​ജ കോ​ളു​ക​ളും സ​ന്ദേ​ശ​ങ്ങ​ളും ല​ഭി​ക്കു​ന്ന​ത് തന്നെ.