തൊഴിലന്വേഷകർ അണപൊട്ടി ഒഴുകിയത് കൊണ്ട് ദുബായിൽ നടത്താനിരുന്ന സ്വകാര്യ സ്ഥാപനത്തിന്‍റെ ഇന്‍റർവ്യൂ നിർത്തിവയ്ക്കുകയുണ്ടായി. ഉദ്യോഗാർത്ഥികൾക്കായി വാക് ഇൻ ഇന്റർവ്യൂ നടത്താനാണ് കമ്പനി ഉദ്യേശിച്ചിരുന്നത്. ഭക്ഷ്യ, പാൽ ഉൽപാദകരായ ഹയ്താന ഫ്രഷിൽ ഒഴിവുണ്ടെന്നും വാക്ക് ഇൻ ഇന്‍റർവ്യൂവിന് പങ്കെടുക്കാൻ താത്പര്യമുള്ളവർ എത്തേണ്ട സമയവും സ്ഥലവും പരസ്യത്തിൽ നൽകിയിരുന്നു.

എന്നാൽ ഇന്‍റർവ്യൂ നടക്കുന്ന സ്ഥലത്തേക്ക് പറഞ്ഞ സമയത്ത് നൂറ് കണക്കിന് ആളുകൾ ആണ് എത്തിച്ചേർന്നത്. മലയാളികൾ അടക്കമുള്ള ഉദ്യോഗാർഥികൾ ഇവിടേക്ക് ഇന്‍റർവ്യൂ എത്തിയിരുന്നു. ഒരു പ്രമുഖ മാധ്യമം ആണ് വാർത്ത റിപ്പോർട്ട് ചെയ്തിരിക്കുന്നത്.

അതോടൊപ്പം തന്നെ ഹോട്ടലിൽ നടന്ന ഇന്‍റർവ്യൂവിലേക്ക് ആളുകൾ ഒഴുകി എത്തിയത് ആണ് വലിയ പ്രതിസന്ധിയുണ്ടാക്കിയത്. രണ്ട് ദിവസം ഇന്‍റർവ്യൂ നടത്താൻ ആണ് പദ്ധതിയിട്ടിരുന്നത്. എന്നാൽ ആദ്യ ദിവസത്തെ തിരക്ക് കാരണം ഇന്‍റർവ്യൂ നിർത്തിവയ്ക്കുകയാണ് ഉണ്ടായത്. സിവിയുമായി നിരവധി പേരാണ് ഇവിടേക്ക് എത്തിയത്.

പിന്നാലെ തിരക്ക് കൂടിയത് കാരണം എല്ലാവരും സിവി മെയിൽ വഴി അയക്കാനും അതിൽ നിന്നും തെരഞ്ഞെടുക്കുന്നവരെ ഇന്‍റർവ്യൂവിന് വിളിക്കും എന്നാണ് ഇപ്പോൾ നൽകിയിരിക്കുന്ന മുന്നറിയിപ്പ് എന്നത്. ഇന്‍റർവ്യൂ നടക്കുന്നതിന്റെ ഹോട്ടലിന്റെ മുന്നിൽ ഉദ്യോഗാർഥികൾ തിങ്ങിക്കൂടി നിൽക്കുന്നതിന്റെ വിഡിയോയും ചിത്രങ്ങളും ഇതിനോടകം തന്നെ സോഷ്യൽ മീഡിയയിൽ വെെറലായി മാറിയിട്ടുണ്ട്.

അതേസമയം അൽഐൻ കേന്ദ്രമായി പ്രവർത്തിക്കുന്ന ലിങ്ക്ഡ് ഇൻ എന്ന സ്ഥാപനം ആണ് സോഷ്യൽ മീഡിയ വഴി ജീവനക്കാരെ ആവശ്യമുണ്ടെന്ന് വിവരം അറിയിച്ചിരുന്നത്. 3500 ദിർഹം മുതൽ 20,000 ദിർഹം വരെയായിരുന്നു ജോലിക്ക് കയറുമ്പോൾ ശമ്പളം കമ്പനി വാഗ്ദാനം ചെയ്തത്. എന്നാൽ എത്ര ഒഴിവുകൾ ആണ് കമ്പനിയിൽ ഉള്ളതെന്ന കാര്യം ഇവിടെ വെളിപ്പെടുത്തിയിരുന്നില്ല. രാവിലെ തുടങ്ങിയ ഇന്റർവ്യൂ തിരക്ക് കാരണം ഉച്ചക്ക് തന്നെ അവസാനിപ്പിക്കുകയുണ്ടായി.