പ്രവാസികൾക്ക് നൊമ്പരമായി മലയാളി; ഹൃദയാഘാതത്തെ തുടർന്ന് മലയാളി യുവാവ് യുഎഇയില് നിര്യാതനായി
പ്രവാസി മലയാളി യുവാവ് യുഎഇയില് നിര്യാതനായി. കണ്ണൂര് കൂത്തുപറമ്പ് പനമ്പ്രാല് മെരുവമ്പായ് ഖലീല് (37) ആണ് മരിച്ചത്. ദുബൈയില് വെച്ച് ഹൃദയാഘാതത്തെ തുടര്ന്നായിരുന്നു അന്ത്യം എന്നാണ് ലഭ്യമാകുന്ന വിവരം. പിതാവ് - ഉസൈന്. മാതാവ് - സഫിയ. ഭാര്യ - ഷഹറ. മക്കള് - അസബ്, അസീന്. സഹോദരങ്ങള് - അഷ്കര്, അഫ്രീദ്, ഷഫീദ, ഷമീന, ഷര്മിന, ഷാനിബ. വ്യാഴാഴ്ച രാവിലെയോടെ നാട്ടിലെത്തിക്കുന്ന മൃതദേഹം ഉച്ചയ്ക്ക് ഖബറടക്കുമെന്ന് ബന്ധുക്കള് പറഞ്ഞു.
അതേസമയം ഉംറ തീര്ഥാടനത്തിന് പുറപ്പെട്ട മലയാളി ജിദ്ദയിലേക്കുള്ള യാത്രയില് വിമാനത്തിനുള്ളില് വെച്ച് മരിച്ചതായി റിപ്പോർട്ട്. കായംകുളം പുല്ലുകുളങ്ങര പുളിമുക്ക് ജങ്ഷനില് മദീന പാലസില് അഹമ്മദ് കോയയാണ് യാത്രയ്ക്കിടെ മരിച്ചത്.
സ്വകാര്യ ഗ്രൂപ്പില് ഉംറക്കായി ചൊവ്വാഴ്ച രാവിലെ കായംകുളത്ത് നിന്ന് പുറപ്പെട്ട് കുവൈത്തില് എത്തിയിരുന്നു. അവിടെനിന്ന് ഇഹ്റാം കെട്ടി മക്കയിലേക്ക് പോകുമ്പോള് ജിദ്ദയില് എത്തും മുമ്പ് വിമാനത്തില് വെച്ച് മരണം സംഭവിക്കുകയാണ് ഉണ്ടായത്. നടപടികള് പൂര്ത്തിയാക്കി മക്കയില് ഖബറടക്കും. മലയാളത്തില് ഒന്നിലേറെ കവിത സമാഹാരങ്ങള് രചിച്ചയാളാണ് അഹമ്മദ് കോയ. പിതാവ്: കാസിം കുഞ്ഞ്, മാതാവ്: ഫാത്തിമ. ഭാര്യ: സീനത്ത് ബിവി, മക്കള്: ഇനാസ്, ജാസിം, ഹസീന, ജസീന.
https://www.facebook.com/Malayalivartha
