ദുബായ്, ഷാർജ സെക്ടറിൽ നിന്ന് കോഴിക്കോട്ടേക്ക് കുറഞ്ഞത് തുകക്ക് യാത്ര ചെയ്യാൻ സാധിക്കുന്നതാണ്. കുറഞ്ഞ വിമാന ടിക്കറ്റ് നിരക്കും സൗജന്യ ബാഗേജ് അലവൻസും പ്രഖ്യാപിച്ച് രംഗത്തെത്തിയിരിക്കുകയാണ് എയർ ഇന്ത്യ. വൺവേയ്ക്ക് 300 ദിർഹമാണ് ടിക്കറ്റ് നിരക്ക് ഈടാക്കുക. ടിക്കറ്റ് നിരക്ക് കുറഞ്ഞത് മാത്രമല്ല 35 കിലോ ലഗേജും കൊണ്ടുപോകാൻ അനുവദിക്കുന്നതാണ്. ഒക്ടോബർ 15 വരെ ടിക്കറ്റ് എടുക്കുന്നവർക്കായിരിക്കും ഈ ആനുകൂല്യം ലഭിക്കുക. ഈ സമയത്ത് ഉപയോഗിക്കുന്ന ടിക്കറ്റ് എടുക്കുന്നവർക്ക് ഡിസംബർ 7 വരെ യാത്ര ചെയ്യാൻ സാധിക്കുന്നതാണ്. എയർലൈൻ അധികൃതർ ആണ് ഇക്കാര്യം അറിയിച്ചുകൊണ്ട് രംഗത്ത് എത്തിയിരിക്കുന്നത്.

അതേസമയം, അബുദാബി എമിറേറ്റിലെ മാസ്‌ക് ധാരണ എങ്ങനെ ആയിരിക്കണം എന്ന കാര്യത്തിൽ വ്യക്തവരുത്തി അധികൃതർ രംഗത്തെത്തിയിരിക്കുകയാണ്. മിറേറ്റിലെ സാംസ്‌കാരിക വേദികളിലും വിനോദ സഞ്ചാര കേന്ദ്രങ്ങളിലും ഹോട്ടലുകളിലും എത്തുന്നവർക്ക് ഇനി മാസ്ക് ധരിക്കേണ്ടതില്ല. സാംസ്‌കാരിക, ടൂറിസം വകുപ്പാണ് ഇതുമായി ബന്ധപ്പെട്ട റിപ്പോർട്ട് പുറത്തുവിട്ടത്. കൊവിഡ് നിയന്ത്രണങ്ങൾ രാജ്യവ്യാപകമായി എടുത്തുമാറ്റിയ സാഹചര്യത്തിൽ ആണ് ഇത്തരത്തിലുള്ള നിയന്ത്രണങ്ങൾ അബുദാബി രംഗത്തെത്തിയിരിക്കുന്നത് തന്നെ.

കൂടാതെ കെട്ടിടങ്ങള്‍ക്കുള്ളിലും പുറത്തും മാസ്‌ക് ധരിക്കുന്നതിന് നിർബന്ധമില്ല. കൊവിഡ് പോസിറ്റീവാണെന്ന് സംശയം ഉള്ളവർക്ക് നിര്‍ബന്ധമായും മാസ്‌ക് ധരിച്ചിരിക്കണം. കൂടാതെ ഗുരുതര രോഗങ്ങളുള്ളവരും രോഗികളും മാസ്‌ക് ധരിക്കുന്നത് നല്ലതാണെന്നാണ് അധികൃതർ വ്യക്തമാക്കുന്നത്. ചടങ്ങുകളില്‍ പ്രവേശിക്കുന്നതിന് അൽ ഹുസ്ന്‍ ആപ്പില്‍ ഗ്രീന്‍ പാസ് കാണിക്കേണ്ടതാണ്. കൊവിഡ് നിയന്ത്രണങ്ങൾ ചെറിയ രീതിയിൽ എടുത്ത് മാറ്റുന്നത് വലിയ ആശ്വാസമായി ആണ് ജനങ്ങൾ കാണുന്നത്.