2020 മാർച്ചിന് ശേഷമുള്ള ഏറ്റവും കുറഞ്ഞ വില! ഒമാനിൽ സ്വർണ വില കുത്തനെ കുറഞ്ഞു; ജ്വല്ലറികളിൽ വലിയ തിരക്ക്, സ്വർണത്തിൽ നിക്ഷേപിക്കാൻ ആഗ്രഹിക്കുന്നവർക്ക് ഇത് നല്ല അവസരം! പലരും മക്കൾക്ക് വേണ്ടി സ്വർണം വാങ്ങാനുള്ള ഒരുക്കത്തിൽ, വമ്പിച്ച ഓഫാറുകളും പ്രഖ്യാപിച്ച് ജ്വല്ലറി ഉടമകളും എത്തി
ഒമാനിൽ സ്വർണ വില കുറഞ്ഞതോടെ ജ്വല്ലറികളിൽ വലിയ തിരക്കാണ് അനുഭവപ്പെടുന്നത്. ആഗോള വിപണിയിൽ സ്വർണ വില ഇടിഞ്ഞതും, അമേരിക്കൻ ഡോളർ ശക്തിപ്രാപിച്ചതും ആണ് സ്വർണ വില കുറയാൻ കാരണമായി പറയുന്നത്. 22 കാരറ്റ് സ്വർണ വില 20.400 റിയാലിൽ താഴെ വരെ കഴിഞ്ഞ ദിവസം എത്തിയിരുന്നു. കഴിഞ്ഞ രണ്ടു വർഷത്തിലെ കണക്കുകൾ പരിശോധിക്കുമ്പോൾ തന്നെ ഏറ്റവും കുറഞ്ഞ നിരക്കാണ് ഇപ്പോൾ കാണുവാൻ സാധിക്കുന്നത്. വെള്ളിയാഴ്ച ഗ്രാമിന് 20.550 റിയാലാണ് ഉണ്ടായിരുന്നത്. വരും ദിവസങ്ങളിൽ ചെറിയ മാറ്റങ്ങൾ ഉണ്ടാകുന്നതാണ്. എന്നാലും വലിയ മാറ്റങ്ങൾ ഉണ്ടാക്കില്ലെന്നാണ് ഈ രംഗത്തുള്ളവർ ചൂണ്ടിക്കാണിക്കുന്നത്.
അങ്ങനെ സ്വർണ വില കുറഞ്ഞപ്പോൾ പ്രവാസികളും ആഹ്ലാദത്തിലാണ്. നിലവിൽ പലരും മക്കൾക്ക് വേണ്ടി സ്വർണം വാങ്ങാനുള്ള ഒരുക്കത്തിലാണ്. സ്വർണ വ്യാപാരം ഏറ്റവും കൂടുതൽ നടക്കുന്ന ദീപാവലിയിൽ ഒമാനിലെ വിവിധ ജ്വല്ലറികൾ ഓഫറുകളും പ്രഖ്യാപിച്ചിരിക്കുകയാണ്. വിലയും പണിക്കൂലിയും ഒമാനിൽ കുറവാണ്. അതുകൊണ്ട് തന്നെ നാട്ടിൽ പോകുന്നവർക്ക് സ്വർണം വാങ്ങുമ്പോൾ അത് ലാഭകരമായിരിക്കുമെന്നാണ് വ്യാപാരികൾ വ്യക്തമാക്കുന്നത്.
അതോടൊപ്പം തന്നെ നാട്ടിൽ കിട്ടുന്നതിനേക്കാൾ കൂടുതൽ ആഭരണങ്ങൾ ഒമാനിൽ ലഭ്യമാണ്. സ്വർണ വില വർധനവിൽനിന്ന് രക്ഷനേടാൻ മുൻക്കൂട്ടി ബുക്ക് ചെയ്യുന്ന രീതിയും ആരംഭിച്ചിരിക്കുകയാണ്. ആയതിനാൽ തന്നെ സ്വർണത്തിൽ നിക്ഷേപിക്കാൻ ആഗ്രഹിക്കുന്നവർക്ക് ഇത് നല്ല അവസരം ആണ്. 2020 മാർച്ചിന് ശേഷമുള്ള ഏറ്റവും കുറഞ്ഞ വിലയാണ് ഇപ്പോൾ ഉള്ളത്. വിപണി സാധാരണ രീതിയിലേക്ക് പോകുന്നതോടെ വലിയ ഉയരാൻ തന്നെയാണ് സാധ്യത എന്നാണ് റിപ്പോർട്ട് ചൂണ്ടിക്കാണിക്കുന്നത്.
https://www.facebook.com/Malayalivartha