മുംബൈ-അബുദാബി പ്രതിദിന സർവ്വീസ് ആരംഭിച്ച് വിസ്താര എയർലൈൻസ് രംഗത്ത് എത്തി. ആദ്യ വിമാന സർവ്വീസ് മുംബൈയിൽ നിന്നും വൈകിട്ട് 7.10ന് പുറപ്പെട്ട് യുഎഇ സമയം രാത്രി 8.40ന് അബുദാബി രാജ്യാന്തര വിമാനത്താവളത്തിൽ ലാൻഡ് ചെയ്യുകയുണ്ടായി. അബുദാബിയിൽ നിന്ന് രാത്രി 9.40 ന് പുറപ്പെട്ട് മുംബൈയിൽ വെളുപ്പിന് 2.45ന് എത്തിച്ചേരും വിധമാണ് രണ്ടാമത്തെ സമയം അധികൃതർ ക്രമീകരിച്ചിരിക്കുന്നത്. ബിസിനസ്, പ്രീമിയം ഇക്കോണമി, ഇക്കോണമി ക്ലാസ് സേവനം യാത്രക്കാർക്ക് ലഭിക്കുമെന്ന് എമിറേറ്റ്‌സ് എയർലൈൻസ് അറിയിക്കുകയുണ്ടായി.

അതോടൊപ്പം തന്നെ ഗൾഫ് രാജ്യങ്ങളിൽ വിസ്താരയുടെ സാന്നിധ്യം ശക്തിപ്പെടുത്തി വരുന്നതിന്റെ ഭാഗമായാണ് അബുദാബി സേവനമെന്ന് ചീഫ് എക്സിക്യൂട്ടീവ് ഓഫീസർ വിനോദ് കണ്ണൻ അറിയിക്കുകയുണ്ടായി. യുഎഇയിലേക്കുള്ള സർവീസ് ബിസിനസുകാർക്കും വിനോദസഞ്ചാരികൾക്കും തൊഴിൽ അന്വേഷകർക്കുമെല്ലാം പ്രയാജനപ്രദമാകുമെന്ന് അധികൃതർ അറിയിച്ചു.