ഖത്തർ ലോകകപ്പിന്റെ ഉദ്ഘാടന മത്സരത്തിൽ ആതിഥേയരായ ഖത്തറിനെ മറുപടിയില്ലാത്ത രണ്ടു ഗോളുകൾക്ക് പരാജയപ്പെടുത്തിയിരിക്കുകയാണ് ഇക്വഡോർ. അങ്ങനെ ആദ്യദിനം തകർപ്പൻ ജയം നേടിയതിന് പിന്നാലെ സ്റ്റേഡിയത്തിൽ അരങ്ങേറിയത് നാടകീയ രംഗങ്ങൾ. 'ഞങ്ങൾക്ക് ബിയർ വേണം' എന്ന് ഉറക്കെ ആവർത്തിച്ചാണ് ഇക്വഡോ‌ർ ആരാധകർ വിജയം ആഘോഷിച്ചത്.

കഴിഞ്ഞയാഴ്ചയാണ് ഖത്തർ സ്റ്റേഡിയത്തിനുള്ളിൽ ബിയറിന് വിലക്കേർപ്പെടുത്തിക്കൊണ്ടുള്ള റിപ്പോർട്ടുകൾ പുറത്ത് വന്നത്. സ്റ്റേഡിയത്തിനുള്ളിലും പരിസരത്തുമായി ബിയർ അനുവദിക്കണമെന്നായിരുന്നു ഇവരുടെ ആവശ്യം എന്നത്. സ്റ്റേഡിയത്തിനുള്ളിൽ തന്നെ പരിസരത്തുമായി മിതമായ എണ്ണത്തിൽ ബിയർ സ്റ്റാളുകൾ അനുവദിക്കുമെന്ന് ഖത്തർ മുൻപ് തന്നെ അറിയിച്ചിരുന്നു. ഇതിന് ദിവസങ്ങൾക്ക് ശേഷമായിരുന്നു നിരോധനം ഏർപ്പെടുത്തിക്കൊണ്ടുള്ള വാർത്ത വന്നത്. അതേസമയം ഖത്തറിന്റെ തലസ്ഥാനമായ ദോഹയിൽ സംഘടിപ്പിച്ച ഫിഫ ഫാൻ ഫെസ്റ്റിവലിൽ ബിയർ അനുവദിക്കുകയും ചെയ്തിരുന്നു.

കൂടാതെ ക്യാപ്ടനും സൂപ്പർതാരവുമായ എന്നർ വലൻസിയയുടെ ഇരട്ട ഗോളുകളാണ് ഇക്വഡോറിന് വിജയം സമ്മാനിച്ചത്. ലോകകപ്പ് ഫൈനലിൽ അരങ്ങേറ്റം കുറിക്കുന്ന തങ്ങളുടെ ദേശീയ ടീമിനെ ആവേശം കൊള്ളിക്കാൻ അറുപതിനായിരത്തിലധികം ഖത്തർ ആരാധകർ അൽ ബൈത്ത് സ്റ്റേഡിയത്തിൽ നിറഞ്ഞിരുന്നു. എന്നാൽ അവർക്ക് നിരാശയായിരുന്നു ഫലം എന്നത്. അതോടെ ടൂർണമെന്റിന്റെ ചരിത്രത്തിൽ ഫിഫ ലോകകപ്പിന്റെ ഉദ്ഘാടന മത്സരത്തിൽ തോൽക്കുന്ന ആദ്യ ആതിഥേയ രാഷ്ട്രമായി ഖത്തർ മാറുകയും ചെയ്യുകയായിരുന്നു.

അതേസമയം മത്സരം അവസാന ഘട്ടത്തിലേയ്ക്ക് കടന്നപ്പോഴാണ് ഇക്വഡോർ ആരാധകർ 'ഞങ്ങൾക്ക് ബിയർ വേണം' എന്ന് ആക്രോശിക്കാൻ തുടങ്ങിയിരുന്നത്. ടീമിന്റെ ആധിപത്യ വിജയം ആഘോഷിക്കാൻ ബിയർ വിതരണം ചെയ്യണമെന്ന് ആവശ്യപ്പെട്ട് മുറവിളി കൂട്ടിയ മഞ്ഞ കടലിനെ നിയന്ത്രിക്കാൻ അധികൃതരും ഏറെ ബുദ്ധിമുട്ടിയിരുന്നു.