പ്രവാസികളെ നടുക്കി സൗദിയിൽ വൻ അപകടം. സൗദി അറേബ്യയിൽ കാറുകൾ കൂട്ടിയിടിച്ച് കത്തി ഒമ്പത് മരണം സ്ഥിരീകരിച്ചു. സൗദിയുടെ മദ്ധ്യപ്രവിശ്യയിൽ റിയാദിൽ നിന്ന് 500 കിലോമീറ്റര്‍ അകലെ വാദി ദവാസിറിലാണ് അപകടം നടന്നത്. വാദി ദവാസിര്‍ - അല്‍ റെയ്ന്‍ റോഡില്‍ ഹിജ്‌റതു നമീസിന് സമീപം വെള്ളിയാഴ്ച രാത്രിയുണ്ടായ സംഭവത്തിൽ വാഹനങ്ങൾ കൂട്ടിയിടിച്ച ഉടൻ കത്തിയമരുകയുമാണ് ചെയ്തത്.

അതോടൊപ്പം തന്നെ ഒമ്പത് പേര്‍ സംഭവ സ്ഥലത്തു വെച്ചു തന്നെ മരിച്ചു. രണ്ട് പേര്‍ക്ക് പരിക്കേറ്റിട്ടുമുണ്ട്. പൊലീസും റെഡ് ക്രസന്റും ഉടന്‍ തന്നെ സ്ഥലത്തെത്തി, പരിക്കേറ്റവരെ വാദി ദവാസിര്‍ ജനറല്‍ ആശുപത്രിയിലേക്കും റനിയ ജനറല്‍ ആശുപത്രിയിലേക്കും മാറ്റി. അപകടത്തിൽപെട്ടവരെ കുറിച്ച് കൂടുതൽ വിവരങ്ങൾ ഇതുവരെ അറിവായിട്ടില്ല.