പഞ്ചറായ ടയർ മാറ്റുന്നതിനിടെ എതിരെ വന്ന വാഹനമിടിച്ചു; മലയാളി യുവാവ് സൗദി അറേബ്യയില് വാഹനാപകടത്തില് മരിച്ചു, അപകടം ഉണ്ടായത് ജിദ്ദയില് നിന്ന് റൊട്ടിയുമായി മദീനയിലേക്ക് പോകുന്നതിനിടെ....
10 DECEMBER 2022 02:39 PM IST
മലയാളി വാര്ത്ത
അറേബ്യയില് വാഹനാപകടത്തില് മലയാളി യുവാവ് സൗദി മരിച്ചു. മദീനയിലുണ്ടായ അപകടത്തില് പാലക്കാട് ചെര്പ്പുളശ്ശേരി സ്വദേശി ഷന്ഫീദാണ് (23) മരിച്ചത്. മദീനയില് നിന്ന് 100 കിമീ അകലെ ജിദ്ദ റോഡിലെ ഉതൈമിലാണ് അപകടം സംഭവിച്ചത്. ജിദ്ദയില് നിന്ന് റൊട്ടിയുമായി മദീനയിലേക്ക് പോയ ഷന്ഫീദ് പഞ്ചറായ ടയര് മാറ്റുന്നതിനിടെ എതിരെ വന്ന വാഹനമിടിച്ചാണ് മരിച്ചത്. വെള്ളിയാഴ്ച പുലര്ച്ചെയാണ് അപകടം നടന്നത്.
അതോടൊപ്പം തന്നെ ചെര്പ്പുളശ്ശേരി കാക്കാതോട് പാലം പാറയില് ഷംസുദ്ദീന്- ഖദീജ ദമ്പതികളുടെ മകനാണ് ഷന്ഫീദ്. അവിവാഹിതനാണ്. ഒരു വര്ഷം മുമ്പാണ് ഇദ്ദേഹം സൗദിയില് എത്തിയത്. നടപടി ക്രമങ്ങള് പൂര്ത്തിയാക്കി മൃതദേഹം സൗദിയില് തന്നെ മറവു ചെയ്യുമെന്ന് ബന്ധുക്കള് അറിയിക്കുകയുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
