ലോകകപ്പ് ആവേശത്തിന് പുറകെ വീണ്ടും അത് എത്തുന്നു; അറേബ്യന് മണ്ണിലേയ്ക്ക് സന്തോഷ് ട്രോഫി ഫുട്ബോളും! ഫൈനല് മല്സരങ്ങള്ക്ക് സൗദി അറേബ്യ വേദിയാകും... കാത്തിരിപ്പിൽ ആരാധകർ
ലോകകപ്പ് ആവേശത്തിന് പുറകെ വീണ്ടും അറേബ്യന് ലോകത്തേക്ക് സന്തോഷ് ട്രോഫി ഫുട്ബോളും എത്തുകയാണ്. ആദ്യമായാണ് വിദേശരാജ്യത്തെ മൈതാനത്ത് സന്തോഷ് ട്രോഫി നടക്കുന്നത്. ഈ സീസണിലെ സന്തോഷ് ട്രോഫി സെമി ഫൈനല്, ഫൈനല് മല്സരങ്ങള്ക്ക് സൗദി അറേബ്യ വേദിയാകുമെന്ന റിപ്പോർട്ടുകളാണ് പുറത്ത് വരുന്നത്. സന്തോഷ് ട്രോഫിയെ ജനപ്രിയമാക്കുകയാണ് ഇതിലൂടെ ലക്ഷ്യംവയ്ക്കുന്നത്.
അതോടൊപ്പം തന്നെ ഇതുവഴി സംസ്ഥാന താരങ്ങള്ക്ക് കൂടുതല് അവസരം ലഭിക്കുമെന്നും ഫുട്ബോള് അസോസിയേഷന് പ്രതീക്ഷിക്കുന്നു. സോണല് മല്സരങ്ങള്ക്ക് പകരം ഗ്രൂപ്പ് മല്സരങ്ങളാണ് ഇത്തവണ. അവസാനവാരത്തോടെയാകും സെമി ഫൈനല്, ഫൈനല് മല്സരങ്ങള് നടക്കുക.
കൂടാതെ ഇതുസംബന്ധിച്ച് സൗദി ഫുട്ബോള് ഫെഡറേഷനുമായി ഓള് ഇന്ത്യ ഫുട്ബോള് ഫെഡറേഷന് ധാരണയായിക്കഴിഞ്ഞു. പ്രവാസി മലയാളികളുടെ മനസില് നിന്ന് ഖത്തര് ലോകകപ്പിന്റ ആവേശം മായും മുന്പാണ് സന്തോഷ് ട്രോഫിയും എത്തുന്നത്. ഇതിന്റെ ഭാഗമായാണ് മല്സരഘടനയില് മാറ്റം വരുത്തിയിരിക്കുന്നതും.
https://www.facebook.com/Malayalivartha
