യുഎഇയുടെ മുട്ടൻ പണി; ഭക്ഷ്യ സുരക്ഷ ഉറപ്പാക്കാന് വേണ്ടി മുന്നോട്ടുവെച്ചിട്ടുള്ള മാനദണ്ഡങ്ങള് പാലിക്കുന്നതില് വീഴ്ച! ഫുജൈറ മുനിസിപ്പാലിറ്റി 40 ഭക്ഷ്യ സ്ഥാപനങ്ങൾ അടച്ചുപൂട്ടി...
ആരോഗ്യ ശുചിത്വ നിയമങ്ങൾ പാലിക്കുന്നതിൽ പരാജയപ്പെട്ടതിന് ഫുജൈറ മുനിസിപ്പാലിറ്റി 40 ഭക്ഷ്യ സ്ഥാപനങ്ങൾ അടച്ചുപൂട്ടിയതായി റിപ്പോർട്ട്. കഴിഞ്ഞ വര്ഷം 40 സ്ഥാപനങ്ങൾ പൂട്ടിച്ചതായി ഫുജൈറ മുനിസിപ്പാലിറ്റി അറിയിക്കുകയുണ്ടായി. പരിശോധനകള്ക്കിടെ 685 സ്ഥാപനങ്ങള്ക്ക് പിഴ ചുമത്തിയിരുന്നു. ഉപകരണങ്ങളുടെ വൃത്തി, പരിസര ശുചിത്വം, പാചകത്തിന് ഉപയോഗിക്കുന്ന സാധനങ്ങളുടെ വൃത്തി എന്നിങ്ങനെ ഭക്ഷ്യ സുരക്ഷ സംബന്ധിച്ചുള്ള ചട്ടങ്ങളിലെ വീഴ്ചകള് പരിശോധനകളില് കണ്ടെത്തിയതായി അധികൃതർ കൂട്ടിച്ചേര്ത്തു.
അതോടൊപ്പം തന്നെ ഭക്ഷ്യ സുരക്ഷ ഉറപ്പാക്കാന് വേണ്ടി മുന്നോട്ടുവെച്ചിട്ടുള്ള മാനദണ്ഡങ്ങള് പാലിക്കുന്നതില് വീഴ്ച വരുത്തിയവരാണ് നടപടിക്ക് വിധേയരായതെന്ന് ഫുജൈറ മുനിസിപ്പാലിറ്റി ഹെല്ത്ത് കണ്ട്രോള് വകുപ്പ് മേധാവി ഫാത്തിമ മക്സ ചൂണ്ടിക്കാണിച്ചു.
കൂടാതെ കാലാവധി കഴിഞ്ഞതും മനുഷ്യ ഉപയോഗത്തിന് യോഗ്യമല്ലാത്തതുമായ ഭക്ഷണ സാധനങ്ങള് ചില സ്ഥാപനങ്ങളില് നിന്ന് പിടിച്ചെടുത്തതായും അവര് വ്യക്തമാക്കി. സ്ഥാപനങ്ങള്ക്ക് നല്കിയിട്ടുള്ള ലൈസന്സുകള് പ്രകാരം അനുമതിയില്ലാത്ത പ്രവര്ത്തനങ്ങളില് ഏര്പ്പെട്ടതിനും പിഴ ചുമത്തിയിട്ടുമുണ്ട്. വരും ദിവസങ്ങളിൽ കൂടുതൽ നടപടികൾ സ്വീകരിക്കുമെന്നും അധികൃതർ അറിയിച്ചു.
https://www.facebook.com/Malayalivartha
