സൗദി അറേബ്യയിലെ മിക്ക പ്രദേശങ്ങളിലും വ്യാഴാഴ്ച മുതല്‍ തിങ്കളാഴ്ച മഴ...ണിക്കൂറില്‍ 50 കിലോമീറ്ററില്‍ കൂടുതല്‍ വേഗതയില്‍ വീശുന്ന മണല്‍ക്കാറ്റിനോടൊപ്പം ഇടിമിന്നല്‍, ആലിപ്പഴം, പേമാരി, എന്നിവയും രാജ്യത്തിന്റെ മിക്ക ഭാഗങ്ങളിലും അനുഭവപ്പെടും....
അറേബ്യയിലെ മിക്ക പ്രദേശങ്ങളിലും വ്യാഴാഴ്ച മുതല്‍ തിങ്കളാഴ്ച വരെ കാലാവസ്ഥാ വ്യതിയാനങ്ങള്‍ ഉണ്ടാകുമെന്ന് നാഷണല്‍ സെന്റര്‍ ഓഫ് മെറ്റീരിയോളജി (എന്‍സിഎം) മുന്നറിയിപ്പ് നല്‍കി. മണിക്കൂറില്‍ 50 കിലോമീറ്ററില്‍ കൂടുതല്‍ വേഗതയില്‍ വീശുന്ന മണല്‍ക്കാറ്റിനോടൊപ്പം ഇടിമിന്നല്‍, ആലിപ്പഴം, പേമാരി, എന്നിവയും രാജ്യത്തിന്റെ മിക്ക ഭാഗങ്ങളിലും അനുഭവപ്പെടും.
പ്രവചനമനുസരിച്ച് വ്യാഴം മുതല്‍ തിങ്കള്‍ വരെ അസീര്‍, അല്‍-ബഹ, ജസാന്‍, നജ്റാന്‍ മേഖലകളില്‍ മിതമോ കനത്തതോ ആയ ഇടിമിന്നല്‍ ബാധിക്കും. ഇതിന്റെ ആഘാതം വ്യാഴം വെള്ളി ദിവസങ്ങളില്‍ അല്‍-സുലൈല്‍, വാദി അല്‍-ദവാസിര്‍ എന്നീ ഗവര്‍ണറേറ്റുകളില്‍ അനുഭവപ്പെടും. റിയാദ് മേഖലയിലെ ഭൂരിഭാഗം ഗവര്‍ണറേറ്റുകളും മക്ക മേഖലയുടെ ചില ഭാഗങ്ങളും ശനി, ഞായര്‍ ദിവസങ്ങളില്‍ ഇടിമിന്നലിനു സാക്ഷ്യം വഹിക്കും.
തബൂക്ക്, മക്ക മേഖലകള്‍, പ്രത്യേകിച്ച് അവയുടെ കിഴക്കന്‍ ഭാഗങ്ങള്‍, ഹായില്‍, വടക്കന്‍ അതിര്‍ത്തി മേഖല, അല്‍-ജൗഫ്, റിയാദ്, അല്‍-ഖാസിം, കിഴക്കന്‍ പ്രവിശ്യകള്‍, പ്രത്യേകിച്ച് അതിന്റെ വടക്കന്‍ ഭാഗങ്ങള്‍ എന്നിവിടങ്ങളില്‍ വ്യാഴാഴ്ച മുതല്‍ മണിക്കൂറില്‍ 50 കിലോമീറ്ററിലധികം വേഗതയുള്ള ശക്തമായ മണല്‍ക്കാറ്റ് അനുഭവപ്പെടും. ഇത് അന്തരീക്ഷ കാഴ്ചയെ സാരമായി ബാധിക്കും. തീരദേശ നഗരങ്ങളില്‍ തിരമാലകള്‍ 2.5 മീറ്ററില്‍ കൂടുതല്‍ ഉയരും. ശനി, ഞായര്‍ ദിവസങ്ങളില്‍ തിരമാലകളുടെ തീവ്രത വര്‍ദ്ധിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
തബൂക്ക്, അല്‍-ജൗഫ്, വടക്കന്‍ അതിര്‍ത്തി പ്രദേശങ്ങള്‍ എന്നിവിടങ്ങളില്‍ താപനില ഗണ്യമായി കുറയും. ഇവിടങ്ങളില്‍ വ്യാഴാഴ്ച മുതല്‍ ശനിയാഴ്ച വരെ താപനില 2-6 ഡിഗ്രി സെല്‍ഷ്യസ് വരെ കുറഞ്ഞേക്കും. മാധ്യമങ്ങളിലൂടെ ബന്ധപ്പെട്ട അധികാരികള്‍ നല്‍കുന്ന നിര്‍ദ്ദേശങ്ങള്‍ അനുസരിക്കാനും കാലാവസ്ഥയെക്കുറിച്ചുള്ള സംഭവവികാസങ്ങള്‍ പിന്തുടരാനും എന്‍സിഎം പൊതുജനങ്ങളോട് അഭ്യര്‍ത്ഥിച്ചു
https://www.facebook.com/Malayalivartha
