സങ്കടം അടക്കാനാവാതെ.... തലവേദനയെ തുടര്ന്ന് സൗദി അറേബ്യയിലെ ആശുപത്രിയില് പ്രവേശിപ്പിച്ച മലയാളി നഴ്സ് മരിച്ചു
തലവേദനയെ തുടര്ന്ന് സൗദി അറേബ്യയിലെ ആശുപത്രിയില് പ്രവേശിപ്പിച്ച മലയാളി നഴ്സ് മരിച്ചു. മക്കയിലെ സ്വകാര്യ ആശുപത്രിയായ മക്ക മെഡിക്കല് സെന്ററില് സ്റ്റാഫ് നഴ്സായ കോഴിക്കോട് മാവൂര് സ്വദേശിനി കൊടക്കാട്ടകത്ത് അസ്ന (29) ആണ് ശനിയാഴ്ച രാവിലെ 10 മണിക്ക് മക്കയിലെ അല്നൂര് ആശുപത്രിയില് മരിച്ചത്. പ്രസവിച്ചിട്ട് ദിവസങ്ങളെ ആയിട്ടുള്ളൂ. 20 ദിവസം പ്രായമുളള കുഞ്ഞടക്കം രണ്ട് ആണ്കുട്ടികളും ഉണ്ട്.
തലവേദനയെ തുടര്ന്ന് വെള്ളിയാഴ്ച വൈകുന്നേരമാണ് ആശുപത്രിയില് പ്രവേശിപ്പിച്ചത്. ഇന്നലെ പുലര്ച്ചെ ആരോഗ്യ സ്ഥിതി വഷളായതോടെ അല്നൂര് ആശുപത്രിയിലേക്ക് മാറ്റിയെങ്കിലും ജീവന് രക്ഷിക്കാനായില്ല. തലച്ചോറിലുണ്ടായ രക്തസ്രാവമാണ് മരണകാരണമെന്നാണ് പ്രാഥമിക നിഗമനത്തിലുള്ളത്.
മക്കയില് സെയില്സ്മാനായി ജോലി ചെയ്യുന്ന നൗഷാദ് ആണ് ഭര്ത്താവ്. നുവൈസര്, മുഹമ്മദ് എന്നിവരാണ് മക്കള്. പരേതയായ കൊടക്കാട്ടകത്ത് കോയക്കുട്ടിയുടെ മകളാണ്. ഉമ്മ കദീജ മക്കയില് ഉണ്ട്. മരണാനന്തര നടപടിക്രമങ്ങള് പൂര്ത്തീകരിച്ച് മൃതദേഹം മക്കയില് ഖബറടക്കം ചെയ്യും.
https://www.facebook.com/Malayalivartha