വിമാനത്തിലും രക്ഷയില്ല, സൗദിയില് നിന്ന് പുറപ്പെട്ട വിമാനത്തിൽ എട്ട് വയസുകാരിയെ പീഡിപ്പിച്ചു, ഇന്ത്യക്കാരൻ അറസ്റ്റിൽ...!!!
സൗദിയില് നിന്ന് പുറപ്പെട്ട വിമാനത്തിൽവെച്ച് എട്ട് വയസുകാരിയെ പീഡിപ്പിച്ചു. സൗദി അറേബ്യയിലെ റിയാദില് നിന്ന് ശ്രീലങ്ക വഴി ഹൈദരാബാദിലേക്ക് ട്രാന്സിറ്റ് വിമാനത്തില് യാത്ര ചെയ്തപ്പോഴാണ് സംഭവം. ശ്രീലങ്കന് സ്വദേശികളായ അമ്മയും മകളും സൗദി അറേബ്യയില് ജോലിചെയ്യുന്ന കുട്ടിയുടെ പിതാവിനെ സന്ദര്ശിച്ച ശേഷം ശ്രീലങ്കയിലേക്ക് മടങ്ങുകയായിരുന്നു.പെണ്കുട്ടിയെ പീഡിപ്പിച്ചതായി മാതാവ് വിമാനത്തിലെ ക്യാബിന് ക്രൂവിനെ വിവരം അറിയിക്കുകയായിരുന്നുവെന്ന് ശ്രീലങ്കന് മാധ്യമങ്ങള് റിപ്പോര്ട്ട് ചെയ്തു.
പരാതി ലഭിച്ചതിനെ തുടര്ന്ന് ഇന്ത്യയിലേക്കുള്ള യാത്രാ മധ്യേ പെൺകുട്ടിയെ പീഡിപ്പിച്ച പ്രവാസി ഇന്ത്യക്കാരനെ അറസ്റ്റ് ചെയ്തു. തെലങ്കാന സ്വദേശിയാണ് പിടിയിലായത്. കൊളംബോ വിമാനത്താവളത്തില് വച്ചാണ് അറസ്റ്റ്. ശ്രീലങ്കന് പോലീസ് അറസ്റ്റ് ചെയ്ത ഇന്ത്യക്കാരനെ കോടതിയില് ഹാജരാക്കി കൂടുതല് അന്വേഷണത്തിനായി പോലീസ് കസ്റ്റഡിയില് വിട്ടു. ഡിസംബര് 14നാണ് കേസിനാസ്പദമായ സംഭവം. തെലങ്കാനയില് നിന്നുള്ള ആശാരിയായ 49 കാരനാണ് പ്രതി.
കൊളംബോ ബണ്ഡാരനായകെ അന്താരാഷ്ട്ര വിമാനത്താവളത്തില് എത്തിയപ്പോള് പ്രതിയെ ക്യാബിന് ക്രൂ ലോക്കല് പോലീസിന് കൈമാറുകയാണുണ്ടായത്. പെണ്കുട്ടിയേയും പ്രതിയേയും സംശയിക്കുന്നയാളെയും നെഗോംബോ ജനറല് ആശുപത്രിയില് വൈദ്യപരിശോധനയ്ക്ക് വിധേയരാക്കിയതായി റിപ്പോര്ട്ടുകള് പറയുന്നു. പ്രതിയെ കോടതിയില് ഹാജരാക്കുകയും ചെയ്തു. കൂടുതല് അന്വേഷണത്തിനായി പ്രതിയെ കോടതി പോലീസ് കസ്റ്റഡിയില് വിട്ടു.
https://www.facebook.com/Malayalivartha