അബുദാബി ബിഗ് ടിക്കറ്റിൽ കോടികൾ സ്വന്തമാക്കി മലയാളി, യുഎഇയില് സെയില്സ്മാനായി ജോലി ചെയ്യുന്ന പ്രവാസി 2.26 കോടി രൂപ സ്വന്തമാക്കി
അബുദാബി ബിഗ് ടിക്കറ്റ്, മഹ്സൂസ് തുടങ്ങിയ നറുക്കെടുപ്പുകളിൽ നിരവധി പ്രവാസികളാണ് ഭാഗ്യം പരീക്ഷിക്കുന്നത്. വർഷങ്ങളായി ഭാഗ്യം പരീക്ഷിക്കുണ്ടെങ്കിലും സമ്മാനം ലഭിക്കാതെ അതിനായി കാത്തിരിക്കുന്ന നിരവധി പ്രവാസികളുണ്ട്. അഞ്ചാം ശ്രമത്തില് പ്രവാസി മലയാളിക്ക് കോടികൾ സമ്മാനമായി ലഭിച്ചിരിക്കുകയാണ്. യുഎഇയില് സെയില്സ്മാനായി ജോലി ചെയ്യുന്ന ഷംസീര് നാലുപുരക്കല് കീഴത്താണ് 10 ലക്ഷം ദിര്ഹം (2,26,55,352 രൂപ) നേടിയത്. 2.26 കോടി രൂപ .
വെള്ളിയാഴ്ച നടന്ന 259ാമത് നറുക്കെടുപ്പില് 027945 എന്ന നമ്പരിലുള്ള ടിക്കറ്റിനാണ് സമ്മാനം. അഞ്ചാം തവണയാണ് ടിക്കറ്റ് എടുക്കുന്നത്. നിരവധി മലയാളികള്ക്ക് സമ്മാനങ്ങള് ലഭിച്ചതില് നിന്ന് പ്രചോദനം ഉള്ക്കൊണ്ടാണ് ഷംസീര് തന്റെ രണ്ട് ബാല്യകാല സുഹൃത്തുക്കളുമായി ചേര്ന്ന് ടിക്കറ്റ് വാങ്ങിയത്. സോഷ്യല് മീഡിയയില് ബിഗ് ടിക്കറ്റ് പരസ്യം കണ്ടതിനെ തുടര്ന്ന് ഇ-മെയില് വഴി പ്രത്യേക ഓഫര് ലഭിച്ചതിന് ശേഷം ഷംസീറും സുഹൃത്തുക്കളും ചേര്ന്ന് 2023 ലെ അവസാന ടിക്കറ്റ് വാങ്ങുകയായിരുന്നു.
ഈ സമ്മാനം സ്വന്തംകാലില് നില്ക്കാന് തങ്ങളെ സഹായിക്കുമെന്ന് ഷംസീര് ബിഗ് ടിക്കറ്റ് സംഘാടകരോട് പറഞ്ഞു. തന്റെ പണത്തിന്റെ വിഹിതം ഉപയോഗിച്ച്, സ്വന്തമായി ഒരു ബിസിനസ് ആരംഭിക്കുക എന്ന തന്റെ ദീര്ഘകാല സ്വപ്നം നിറവേറ്റുമെന്നും ഷംസീര് പറഞ്ഞു. ബിഗ് ടിക്കറ്റ് വെബ്സൈറ്റില് നിന്ന് ഓണ്ലൈനായോ അബുദാബി ഇന്റര്നാഷണല് എയര്പോര്ട്ട്, അല് ഐന് ഇന്റര്നാഷണല് എയര്പോര്ട്ട് എന്നിവിടങ്ങളിലെ ഔട്ട്ലെറ്റുകള് സന്ദര്ശിച്ചോ ടിക്കറ്റുകള് വാങ്ങാം.
https://www.facebook.com/Malayalivartha