സുൽത്താന്‍റെ സ്ഥാനാരോഹണ ദിനം, ഒമാനിൽ ജനുവരി 11ന് പൊതു അവധി, പൊതു-സ്വകാര്യമേഖലകളിൽ ഉള്ളവർക്ക് അവധി ബാധകം
ഒമാന്‍ ഭരണാധികാരി സുല്‍ത്താന്‍ ഹൈതം ബിന്‍ താരികിന്‍റെ സ്ഥാനാരോഹണ ദിനത്തിന്‍റെ ഭാഗമായി ജനുവരി 11ന് പൊതു അവധിയായിരിക്കുമെന്ന് അധികൃതർ അറിയിച്ചു. അന്ന് വ്യാഴാഴ്ചയായയതിനാൽ വാരാന്ത്യ ദിനങ്ങളുൾപ്പെടെ മൂന്ന് ദിവസം അവധി ലഭിക്കും. പൊതു-സ്വകാര്യമേഖലകളിൽ ഉള്ളവർക്ക് അവധി ബാധകമായിരിക്കും എന്ന് അധികൃതർ അറിയിച്ചു.
ഒമാനില്‍ 2024ലെ പൊതുഅവധി ദിനങ്ങള്‍ നോക്കാം..ജനുവരി 11 (സുല്‍ത്താന്‍ ഹൈതം ബിന്‍ താരിക് അധികാരമേറ്റ ദിനം), ഇസ്‌റാഅ് മിഅ്‌റാജ് (റജബ് 27), മുഹര്‍റം ഒന്ന്, റബിഉല്‍ അവ്വല്‍ 12, ഒമാന്‍ ദേശീയ ദിനം (നവംബര്‍ 18, 19), ചെറിയ പെരുന്നാള്‍ (റമസാന്‍ 29 മുതല്‍), ബലി പെരുന്നാള്‍ (ദുല്‍ ഹിജ്ജ ഒമ്പത് മുതല്‍ 12 വരെ) എന്നിവയാണ് പൊതു അവധി ദിനങ്ങള്‍. പൊതുഅവധി ദിനങ്ങള്‍ വാരാന്ത്യ അവധി ദിനങ്ങളിലാണ് വരുന്നതെങ്കില്‍ പകരം ഒരു ദിവസം അവധി നല്‍കും. രണ്ട് പെരുന്നാള്‍ ദിനങ്ങള്‍ വെള്ളിയാഴ്ചയായി വന്നാലും മറ്റൊരു ദിവസം അവധിയായി പരിഗണിക്കുമെന്നും ഉത്തരവില്‍ വ്യക്തമാക്കുന്നു.
https://www.facebook.com/Malayalivartha
