ആദ്യ ദിവസം തന്നെ തിരിച്ചടി..!! വ്യവസ്ഥകൾ പാലിക്കാതെ കുടുംബ വിസക്ക് അപേക്ഷിച്ച 1,165 അപേക്ഷകളും നിരസിച്ച് കുവൈത്ത്
കുവൈത്ത് ദീർഘകാലമായി നിർത്തിവെച്ച പ്രവാസികളുടെ കുടുംബങ്ങള്ക്ക് സന്ദര്ശക വിസ നല്കുന്നതിന് കഴിഞ്ഞ ദിവസമാണ് വീണ്ടും പുനരാരംഭിച്ചത്. പ്രവാസികൾ ഏറെ നാളായി ഈ വാർത്തയ്ക്കായി കാത്തിരുന്നതിനാൽ തന്നെ വീസ ചട്ടങ്ങളിൽ മാറ്റം വരുത്തിയ ആദ്യ ദിവസം തന്നെ കുടുംബ വിസക്ക് അപേക്ഷിച്ചത് 1,800 പേരാണ്. എന്നാൽ ഇതിൽ 1,165 അപേക്ഷകളും നിരസിച്ചു. രാജ്യത്തെ ആറ് ഗവർണറേറ്റുകളിലെ റെസിഡൻസി അഫയേഴ്സ് ഡിപ്പാർട്ട്മെൻ്റുകളിലായി ലഭിച്ച 1,800 അപേക്ഷകളില് 1,165 അപേക്ഷകളും നിശ്ചിത വ്യവസ്ഥകൾ പാലിക്കാത്തതിനാൽ നിരസിച്ചതായി അധികൃതര് അറിയിക്കുകയായിരുന്നു.
പുതിയ നിബന്ധനകളും മാനദണ്ഡങ്ങളും പ്രകാരം 800 ദിനാർ ശമ്പളവും സർവ്വകലാശാല ബിരുദവും, ഡിഗ്രി നേടിയ അതേ മേഖലയില് ജോലി ചെയ്യുന്ന പ്രവാസികള്ക്കാണ് വിസ അനുവദിക്കുക.നിലവില് ഭാര്യക്കും കുട്ടികള്ക്കും മാത്രമാണ് ഫാമിലി വിസ നല്കുക. എന്നാൽ വിസ ലഭിക്കുന്നതിനുള്ള ബിരുദ മാനദണ്ഡങ്ങളില് നിന്ന് 14 വിഭാഗങ്ങളിലെ പ്രൊഫഷനുകളെ ഒഴിവാക്കിയിട്ടുണ്ട്. സര്ക്കാര് മേഖലയിലെ ഉപദേശകര്, ജഡ്ജിമാര്, പ്രോസിക്യൂട്ടര്മാര്, വിദഗ്ധര്, നിയമ ഗവേഷകര്.
ഡോക്ടര്മാരും ഫാര്മസിസ്റ്റുകളും ഉള്പ്പെടെയുള്ള മെഡിക്കല് പ്രൊഫഷണലുകള്. സര്വകലാശാലകള്, കോളേജുകള്, ഉന്നത സ്ഥാപനങ്ങള് എന്നിവയുടെ പ്രൊഫസര്മാര് തുടങ്ങി 14 വിഭാഗങ്ങളിലെ പ്രൊഫഷനുകളെയാണ് മാനദണ്ഡങ്ങളില് നിന്ന് ഒഴിവാക്കിയിട്ടുള്ളത്.
പുതിയ നിബന്ധനകളും മാനദണ്ഡങ്ങളും പ്രകാരം 800 ദിനാർ ശമ്പളവും സർവ്വകലാശാല ബിരുദവും, ഡിഗ്രി നേടിയ അതേ മേഖലയില് ജോലി ചെയ്യുന്ന പ്രവാസികള്ക്കാണ് വിസ അനുവദിക്കുക.നിലവില് ഭാര്യക്കും കുട്ടികള്ക്കും മാത്രമാണ് ഫാമിലി വിസ നല്കുക. പാസ്പോർട്ട്, സിവിൽ ഐഡി കോപ്പികൾ, സാലറി സര്ട്ടിഫിക്കറ്റ് ,അതത് രാജ്യങ്ങളിലെ വിദേശകാര്യമന്ത്രാലയവും കുവൈത്തിലെ വിദേശകാര്യമന്ത്രാലയവും അറ്റസ്റ്റ് ചെയ്ത ബിരുദ സർട്ടിഫിക്കറ്റ്, റിലേഷൻഷിപ് അഫിഡവിറ്റ് എന്നിവ അപേക്ഷയോടൊപ്പം സമർപ്പിക്കണം.
രാജ്യത്തെ വിവിധ റെസിഡന്സി അഫയേഴ്സ് കാര്യാലയങ്ങളില് ഫാമിലി വിസയ്ക്കുള്ള അപേക്ഷകള് സ്വീകരിക്കുമെന്ന് ആഭ്യന്തര മന്ത്രാലയം എക്സ് പ്ലാറ്റ്പോമിലൂടെയാണ് അറിയിച്ചത്. എന്നാല് ഫാമിലി വിസിറ്റ് വിസകൾ തുറന്നിട്ടില്ലെന്നും നിയന്ത്രണങ്ങൾക്ക് വിധേയമായി വാണിജ്യ സന്ദർശനങ്ങൾ അനുവദിക്കുന്നത് തുടരുമെന്നും അധികൃതര് നൽകുന്ന വിശദീകരണം. 18 മാസത്തിലേറെയായി സന്ദര്ശക വിസ അനുവദിക്കുന്നത് കുവൈത്ത് നിര്ത്തിവച്ചിരിക്കുകയായിരുന്നു. 2022 ജൂണ് 27നാണ് ഫാമിലി വിസിറ്റ് വിസ നല്കുന്നത് നിര്ത്തിവച്ചത്.
പുതിയ നിയന്ത്രണങ്ങളും വ്യവസ്ഥകളും നടപ്പാക്കുന്നതിന്റെ ഭാഗമായാണിത്. ഇനി ഒരു അറിയിപ്പ് ഉണ്ടാകുന്നതുവരെ നിര്ത്തിവയ്ക്കുന്നുവെന്നായിരുന്നു അറിയിപ്പ്. കുവൈറ്റിലെ മൊത്തം ജനസംഖ്യയായ 46 ലക്ഷത്തില് ഏകദേശം 32 ലക്ഷമാണ് പ്രവാസികള്. പുതുക്കിയ വ്യവസ്ഥകളോടെ ഫാമിലി വിസിറ്റ് വിസ നല്കാന് കുവൈറ്റ് ഉപപ്രധാനമന്ത്രിയും പ്രതിരോധ മന്ത്രിയും ആക്ടിങ് ആഭ്യന്തര മന്ത്രിയുമായ ഷെയ്ഖ് ഫഹദ് അല് യൂസഫ് അല് സബാഹ് ആണ് ഉത്തരവ് നല്കിയത്.
https://www.facebook.com/Malayalivartha