പ്രവാസികൾ ഉടൻ പുറത്തേയ്ക്ക്, കുവൈത്ത് ജയിലുകളിൽ കഴിയുന്ന 912 തടവുകാര്ക്ക് പൊതുമാപ്പ് നൽകി അമീര്, ഇളവ് ലഭിക്കുന്നതിനുള്ള എല്ലാ വ്യവസ്ഥകളും ഇവർ പാലിച്ചിട്ടുണ്ടെന്ന് ആഭ്യന്തര മന്ത്രാലയം...!!!
പ്രവാസികൾ ഉൾപ്പെടെ 912 തടവുകാര് പുറത്തേക്ക്. 63ാമത് കുവൈത്ത് ദേശീയ ദിനത്തോടനുബന്ധിച്ച് ഭരണാധികാരി അമീര് ഷെയ്ഖ് മിഷ്അല് അല് അഹമ്മദ് അല് ജാബര് അല് സബാഹിന്റെ ഉന്നതതല ഉത്തരവിന്റെ അടിസ്ഥാനത്തിൽ തടവുകാർക്ക് പൊതുമാപ്പ് നല്കി. രാജ്യത്തെ വിവിധ ജയിലുകളില് കഴിയുന്ന 214 തടവുകാരെ ഉടന് വിട്ടയക്കും. പൊതുമാപ്പ് ലഭിച്ച മറ്റുള്ളവര്ക്ക് നിയമനടപടിക്രമങ്ങള് പൂര്ത്തിയാക്കി വൈകാതെ മോചനം സാധ്യമാവും.
ഫെബ്രുവരി 23 വെള്ളിയാഴ്ചയാണ് കുവൈറ്റ് അമീര് ഇതുസംബന്ധിച്ച ഉത്തരവ് പുറപ്പെടുവിച്ചത്. ശിക്ഷിക്കപ്പെട്ട കുറ്റകൃത്യത്തിന്റെ സ്വാഭാവം, ശിക്ഷാ കാലയളവിലെ നല്ല പെരുമാറ്റം, ശിക്ഷ അനുഭവിച്ച കാലയളവ് തുടങ്ങിയ കാര്യങ്ങള് പരിഗണിച്ചാണ് പൊതുമാപ്പിന് അര്ഹരായരുടെ പട്ടിക തയ്യാറാക്കിയത്. ഇളവ് ലഭിക്കുന്നതിനുള്ള എല്ലാ വ്യവസ്ഥകളും ഇവർ പാലിച്ചിട്ടുണ്ടെന്നും ആഭ്യന്തര മന്ത്രാലയം വ്യക്തമാക്കി.
ശേഷിക്കുന്ന ശിക്ഷാ കാലയളവില് ചിലര്ക്ക് ഇള് അനുവദിച്ചപ്പോള് മറ്റു ചിലരെ പിഴ, ജാമ്യം, ജുഡീഷ്യല് നാടുകടത്തല് എന്നിവയില് നിന്നും ഒഴിവാക്കി നല്കി. കുവൈറ്റ് ഫെബ്രുവരി 25 ഞായറാഴ്ച 63ാമത് ദേശീയ ദിനവും ഫെബ്രുവരി 26 തിങ്കളാഴ്ച 33ാമത് വിമോചന ദിനവും ആഘോഷിച്ചു. 1961 ജൂണ് 19ന് അമീര് ഷെയ്ഖ് അബ്ദുല്ല അല് സാലിം അല് സബാഹ് ബ്രിട്ടീഷ് ഹൈക്കമ്മീഷണര് സര് ജോര്ജ് മിഡില്ടണുമായി സ്വാതന്ത്ര്യ പ്രഖ്യാപനത്തില് ഒപ്പുവെച്ചതോടെയാണ് കുവൈറ്റ് ബ്രിട്ടനില് നിന്ന് സ്വാതന്ത്ര്യം നേടിയത്.
https://www.facebook.com/Malayalivartha
