ജോലി സമയം കുറച്ചു...! റമദാനില് പൊതു-സ്വകാര്യ മേഖലയിലെ ജീവനക്കാര്ക്ക് പ്രതിദിന ജോലിയില് രണ്ട് മണിക്കൂറിന്റെ കുറവ് വരുത്തി യുഎഇ, നോമ്പ് എടുക്കാത്തവര്ക്കും ഇതര മതവിശ്വാസികള്ക്കുമെല്ലാം ജോലി സമയം തുല്യം...!!!
യുഎഇയിൽ വിശുദ്ധ റമദാനില് പൊതു-സ്വകാര്യ മേഖലയിലെ ജീവനക്കാര്ക്ക് ഉൾപ്പെടെ ജോലി സമയം കുറച്ചു. റമദാനില് പ്രതിദിന ജോലിയില് രണ്ട് മണിക്കൂറിന്റെ കുറവ് വരുത്തി ഹ്യൂമന് റിസോഴ്സ് ആന്ഡ് എമിറേറ്റൈസേഷന് മന്ത്രാലയം സര്ക്കുലര് പുറത്തിറക്കി. നോമ്പ് അനുഷ്ടിക്കാത്തവര്ക്കും ഇതര മതവിശ്വാസികള്ക്കുമെല്ലാം ജോലി സമയം തുല്യമായിരിക്കും.ഏഴ് എമിറേറ്റുകള്ക്കും മന്ത്രാലയം പ്രഖ്യാപിച്ച തൊഴില് സമയ ഇളവ് ബാധകമാണ്.
കഴിഞ്ഞ വര്ഷവും റദമാനില് ജോലി സമയം ആറ് മണിക്കൂറായി ഹ്യൂമന് റിസോഴ്സസ് മന്ത്രാലയം ചുരുക്കിയിരുന്നു. ഇത് കൂടാതെ കമ്പനികള്ക്കും സ്ഥാപനങ്ങള്ക്കും റമദാനില് ദൈനംദിന പ്രവൃത്തി സമയം തൊഴിലിന്റെ സ്വഭാവത്തിനും ആവശ്യകതകള്ക്കും അനുസരിച്ച് തെരഞ്ഞെടുക്കാവുന്നതാണ്. സൗകര്യപ്രദമായ ഷിഫ്റ്റുകളില് ജോലി അനുവദിക്കുകയോ സാധ്യമെങ്കില് വീട്ടിലിരുന്ന് ജോലിചെയ്യാന് അനുവാദം നല്കുകയോ ചെയ്യാം.
പ്രവൃത്തി ദിവസം തിങ്കള് മുതല് വ്യാഴം വരെ രാവിലെ 9 മുതല് ഉച്ചയ്ക്ക് 2.30 വരെയും വെള്ളിയാഴ്ചകളില് രാവിലെ 9 മുതല് ഉച്ചയ്ക്ക് 12 വരെയും ആയിരിക്കുമെന്ന് ഫെഡറല് അതോറിറ്റി ഫോര് ഗവണ്മെന്റ് ഹ്യൂമന് റിസോഴ്സസ് സര്ക്കുലറില് വ്യക്തമാക്കുന്നു. മന്ത്രാലയങ്ങള്ക്കും ഫെഡറല് വകുപ്പുകള്ക്കും ഫ്ളെക്സിബിള് അല്ലെങ്കില് റിമോട്ട് വര്ക്ക് ഷെഡ്യൂളുകള് ഏര്പ്പെടുത്താന് അനുവാദം നല്കും.
https://www.facebook.com/Malayalivartha