യുഎഇയിൽ പൊതുവേ പിടിച്ചുപറിയും പോക്കറ്റടിയും മോഷണവും ഒക്കെ കുറവാണ്. കാരണം, അത്രയും സുരക്ഷിതമായ ഒരു രാജ്യമാണെന്ന് ഇവിടുത്തെ താമസക്കാരും, പ്രവാസികളും ഒരേ സ്വരത്തിൽ പറയുന്ന കാര്യമാണ്. എങ്കിലും ഒറ്റപ്പെട്ട സംഭവങ്ങൾ റിപ്പോർട്ട് ചെയ്യപെടുന്നു എന്നത്
ഒരു വസ്തുതയാണ്. ദുബായിൽ വൻ കവർച്ചയാണ് റിപ്പോർട്ട് ചെയ്യപ്പെട്ടത്. അടച്ചിട്ട വീട്ടിൽ നിന്ന് 1,80000 ദിർഹം വിലയുള്ള വസ്തുക്കൾ ആണ് മോഷ്ടാക്കൾ കവർന്നത്.

അൽ ഫുർജാനിൽ താമസിക്കുന്ന പ്രവാസി പൗരന്റെ വില്ലയിൽ കഴിഞ്ഞ ഞായറാഴ്ച രാത്രിയാണ് കവർച്ച നടന്നത്. ഇവിടെ താമസിച്ചിരുന്ന ഭാര്യയും ഭർത്താവും ജന്മദിനത്തിന് ബന്ധുക്കളെ ക്ഷണിക്കാനായി പോയിരുന്നു. ഈ സമയത്താണ് സംഭവം. വീട്ടിൽ തിങ്കളാഴ്ച എത്തിയപ്പോൾ ആണ് മോഷണം നടന്ന വിവരം അറിയുന്നത്. മോഷണത്തിന്റെ സിസിടിവി ദൃശ്യങ്ങൾ ലഭിച്ചിട്ടുണ്ട്. രാത്രി എട്ടിനും 9.15നും ഇടയിലാണ് മോഷണം നടന്നിരിക്കുന്നത് എന്നാണ് സി.സി. ടി.വി ദൃശ്യങ്ങളിൽ നിന്ന് വ്യക്തമാകുന്നത്. വീടിന്റെ പിറകിലെ വാതിൽ പൊളിച്ചാണ് മോഷ്ടാക്കൾ അകത്തു കയറിയിരിക്കുന്നത്.

മുൻവശത്തെ വാതിൽ തുറക്കാതെ തന്നെയുണ്ട്. മുൻവശത്തെ വാതിൽ ഡോർ ലോക്ക് ചെയ്ത നിലയിൽ തന്നെയാണ് ഉണ്ടായിരുന്നത്.വീട്ടിൽ സൂക്ഷിച്ചിരുന്ന രണ്ട് ലോക്കറുകൾ ആണ് നഷ്ടപ്പെട്ടിരിക്കുന്നത്. ഇതിൽ ഒരു ലോക്കറിന് 50 കിലോ ഭാരം ഉണ്ട്. ആഭരണങ്ങൾ വിൽക്കണമെങ്കിൽ കൃത്യമായ വൗച്ചറുകളും എമിറേറ്റ്സ് ഐ.ഡിയും ഹാജറാക്കണം. അല്ലാത്ത ആഭരണങ്ങൾ വിൽക്കാൻ പറ്റില്ല. അതിനാൽ മോഷണ വസ്തുക്കൾ ഇവർ ദുബായിൽ വിൽക്കാൻ സാധ്യത കുറവാണ്.

ബെഡ്റൂമിൽ സാധനങ്ങൾ വലിയച്ചു വാരിയിട്ട നിലയിലായിരുന്നു കിടന്നത്. പല സാധനങ്ങളും നഷ്ടപ്പെട്ടിട്ടുണ്ടെന്നും സംഭവത്തിൽ അന്വേഷണം വേണമെന്നും എന്ന നിലയിൽ മകനാണ് പോലീസിൽ വിവിരം അറിയിച്ചിരിക്കുന്നത്. സംഭവം അറിഞ്ഞ ഉടൻ തന്നെ പോലീസ് അന്വേഷണം ആരംഭിച്ചിട്ടുണ്ട്. സി.ഐ.ഡിയും ഫിംഗർ പ്രിന്‍റ് വിദഗ്ധരും അടങ്ങുന്ന സംഘം വിരലടയാളം ശേഖരിച്ചിട്ടുണ്ട്. മോഷ്ടാക്കളുടെ നീക്കങ്ങൾ എല്ലാം സിസിടിവിൽ പതിഞ്ഞിട്ടുണ്ട്. അതിനാൽ അന്വേഷണം വേഗത്തിൽ തന്നെ ആകും.